اسلام آباد: بلاول بھٹو زرداری کی ہدایت پرگیس کی قلت اور بڑھتی مہنگائی کے خلاف احتجاج جاری ،اطلاعات کے مطابق بلاول بھٹو زرداری کی ہدایت پرگیس کی قلت اور بڑھتی مہنگائی کے خلاف احتجاج کی کال پر یہ سلسلہ دوسرے ہفتے میں داخل ہوگیا ہے ،
پاکستان پیپلز پارٹی ملک میں مہنگائی اور تیل کی قیمتوں میں اضافے اور گیس بحران کے خلاف ملک گیر احتجاج کی کال پاکستان پیپلز پارٹی کے چیئرمین بلاول بھٹو زرداری نے دسمبرکے شروع میں دی تھی جس کا آغاز10 دسمبر کوکیا گیا
چیئرمین پاکستان پیپلز پارٹی بلاول بھٹو زرداری کی ہدایت کے مطابق ملک بھر میں گیس کی قلت اور بڑھتی مہنگائی کے خلاف احتجاج#گیس_کی_بندش_نامنظور @AseefaBZ @BBhuttoZardari pic.twitter.com/t82gp947bF
— Zobia Khurshid Raja (@ZobiaKhurshid) December 17, 2021
تفصیلات کے مطابق پی پی چیئرمین بلاول بھٹو زرداری نے ہدایت پر کراچی، لاہور، پشاور سمیت مختلف شہروں اور ہر گاؤں میں احتجاج کا سلسلہ جاری ہے، چیئرمین پیپلزپارٹی کا کہنا ہے کہ کا کہنا ہے کہ اب 27 دسمبر کو گڑھی خدا بخش کے جلسے میں اگلا احتجاجی پروگرام دیا جائے گا۔
واضح رہے کہ عالمی سطح پر پیٹرول کی قیمت کم ہوئی لیکن پی ٹی آئی حکومت نے اس کا فائدہ عوام تک نہیں پہنچایا۔ خیال رہے کہ حکومت نے پیٹرول اور ڈیزل کی قیمتیں برقرار رکھتے ہوئے پیٹرول اور ڈیزل پر پیٹرولیم ڈیولپمنٹ لیوی اور سیلز ٹیکس بڑھا دیا ہے۔ ایک لیٹر پیٹرول کی قیمت میں 27 روپے 29 پیسے اور ایک لیٹر ڈیزل پر حکومت 33 روپے 38 پیسے ٹیکس وصول کر رہی ہے۔