بین الاقوامیتازہ ترین

رز احمد آسکر ایوراڈ جیتنے والے پہلی مسلمان اداکار بن گئے

3 سال قبل
3 سال قبل

لاس اینجس: آسکر کی تقریب میں اداکار ول اسمتھ نے بیوی کا مذاق اڑانے پر اداکار کرس راک کو زوردار تھپڑ جڑ دیا۔

باغی ٹی وی : غیر ملکی میڈیا کے مطابق آسکر 2022 کی تقریب جاری تھی جس میں مزاحیہ اداکار کرس راک میزبانی کرتے ہوئے طنز و مزاح کر رہے تھے۔ اس دوران انہوں نے ول اسمتھ کی اہلیہ جیڈا پنکیٹ اسمتھ کے سر کے بال گرنے کا مذاق اڑایا تو اسٹیج سے نیچے بیٹھے ول اسمتھ غصے میں آگئے۔


بہترین اداکارکا ایوارڈ جیتنے والے ول اسمتھ اپنی نشست سے اٹھے اور آرام سے چلتے ہوئے کرس راک کے پاس گئے، جو انہیں غیر یقینی سے دیکھ رہے تھے۔ کرس کے پاس پہنچ کر اچانک ول اسمتھ نے زناٹے دار تھپڑ کرس کے منہ پر جڑا اور پھر آرام سے چلتے ہوئے اپنی سیٹ پر واپس آکر بیٹھ گئے۔

آسکر ایوارڈز کی رنگا رنگ تقریب میں بھی تھپڑ چل گئے

ول اسمتھ کی اس حرکت پر ان کی اہلیہ سمیت وہاں موجود سب لوگ ششدر رہ گئے اور ہال میں خاموشی چھاگئی جبکہ کرس راک کا چہرہ اتر گیا تاہم وہ تھپڑ کھانے کے باوجود اپنی جگتوں سے باز نہ آئے اور کھسیانی انداز میں اپنے مذاق کو جاری رکھنے کی کوشش کی۔ تو اپنی نشست پر واپس بیٹھنے کے بعد ول اسمتھ نے کرس راک کو گالیاں دیتے ہوئے کہا کہ اپنا منہ بند رکھو۔


بعد ازاں انہوں نے اس رویے پر معذرت بھی کرتے ہوئے کہا کہ محبت آپ سے کچھ بھی کروا سکتی ہے۔

اس موقع پر امریکا میں آسکر ٹیلی کاسٹ کو میوٹ کیا گیا مگر جاپان اور دیگر ممالک میں یہ منظر نشر ہوا اس صورت حال میں سکتے کا شکار ہونے والے کرس راک نے کہا ‘ول اسمتھ نے ابھی مجھے مارا ۔


سوشل میڈیا پر اس واقعے کی ویڈیو دیکھتے ہی دیکھتے وائرل ہوگئی اور صارفین نے ملے جلے ردعمل کا مظاہرہ کیا۔ زیادہ تر صارفین نے ول اسمتھ کو تنقید کا نشانہ بنایا وہیں بعض شائقین نے اس واقعے کو اسکرپٹڈ یعنی سوچی سمجھی حرکت بھی قرار دیا۔

لڑکیوں کو جینے دو ،بھارتی مس یونیورس نے حجاب پر پابندی کے خلاف آواز بلند کردی


واضح رہے کہ دسمبر 2021 میں جیڈا اسمتھ نے بتایا تھا کہ وہ ایک بیماری کے باعث بالوں کے جھڑنے کا سامنا کررہی ہیں اور کچھ مقامات پر گنج پن کے آثار نمایاں ہوچکے ہیں۔

اداکار ول اسمتھ نے کیرئیر میں بہترین اداکار کا پہلا آسکر ایوارڈ فلم کنگ رچرڈ میں کام کرنے پر ملا جس میں انہوں نے سرینا اور وینس ولیمز کے باپ رچرڈ ولیمز کا کردار ادا کیا تھا-

دوسری جانب فلمی دنیا کا سب سے بڑا آسکر ایوارڈ پہلی بار ایسی فلم نے جیت لیا جو سنیما کی بجائے ایک اسٹریمنگ سروس پر ریلیز ہوئی تھی۔

ویسے تو خیال کیا جارہا تھا کہ نیٹ فلیکس پر ریلیز ہونے والی فلم دی پاور آف دی ڈاگ بہترین فلم کا ایوارڈ اپنے نام کرے گی مگر غیرمتوقع طور پر یہ اعزاز ایپل ٹی وی پلس پر ریلیز ہونے والی فلم کوڈا نے اپنے نام کرکے نئی تاریخ رقم کی۔

سونم کپورکے گھر ننھے مہمان کی آمد متوقع

94 ویں اکیڈمی ایوارڈز کی تقریب میں قوت سماعت سے محروم ماں باپ اور بھائی جبکہ سننے کی صلاحیت رکھنے والی بیٹی/ بہن کے ان سے تعلقات کے گرد گھومتی اس فلم نے بہترین فلم کا آسکر ایوارڈ جیتا اس فلم کو 3 شعبوں میں نامزد کیا گیا تھا اور اس نے تینوں کو اپنے نام کیا۔

بہترین فلم کے ساتھ ساتھ بہترین اڈاپٹڈ اسکرین پلے اور بہترین معاون اداکار (ٹروئے کوٹسر) کے ایوارڈز اس فلم نے جیتے۔

مگر سب سے زیادہ ایوارڈز سائنس فکشن فلم ڈیون نے اپنے نام کیے جو کہ اسے ٹیکنیکل کیٹیگریز جیسے ساؤنڈ، اسکور اور ایڈیٹنگ پر ملے۔

اداکارہ جیسیکا چیسٹن نے بہترین اداکارہ کا ایوارڈ فلم دی آئیز آف ٹیمی فائی میں کام کرنے پر حاصل کیا-

بہترین معاون اداکارہ کا اعزاز ویسٹ سائیڈ اسٹوری میں کام کرنے والی آرینا ڈی بوس کے نام رہا یہ 1961 میں اسی نام سے بننے والی فلم کا ری میک تھا اور حیران کن طور پر اس وقت بھی بہترین معاون اداکارہ کا ایوارڈ یہی کردار ادا کرنے والی اداکارہ کو دیا گیا تھا آرینا آسکر ایوارڈ جیتنے والی پہلی ایفری لاطینی اداکارہ بھی ہیں جبکہ بہترین معاون اداکار کا اعزاز جیتنے والے ٹروئے کوٹسر حس سماعت سے محروم دوسرے اداکار ہیں جن کو یہ ایوارڈ ملا۔

فلم "گلی بوائے” کے معروف گلوکار 24 برس کی عمر میں چل بسے


جین کیمپین نے دی پاور آف دی ڈاگ پر بہترین ڈائریکٹر کا ایوارڈ جیتا اور وہ اکیڈمی ایوارڈز کی تاریخ میں تیسری خاتون ہیں جو یہ اعزاز جیتنے میں کامیاب رہی۔

بہترین غیرملکی فلم کا ایوارڈ جاپانی فلم ڈرائیو مائی کار کے نام رہا جبکہ اوریجنل اسکرین پلے کا ایوارڈ بلفاسٹ نے جیتا۔

بہترین اوریجنل گانے کا ایوارڈ نو ٹائم ٹو ڈائی، بہترین کاسٹیوم ڈیزائن کا ایوارڈ کریولا، بہترین انیمیٹڈ فلم کا ایوارڈ انکانٹو، بہترین ویژول ایفیکٹس کا ایوارڈ ڈیون، بہترین سنیمافوٹوگرافی کا ایوارڈ ڈیون، بہترین پروڈکشن ڈیزائن کا ایوارڈ ڈیون، فلم ایڈیٹنگ کا ایوارڈ ڈیون، بہترین اوریجنل اسکور کا ایوارڈ ڈیون اور بہترین ساؤنڈ کا ایوارڈ بھی ڈیون کے نام رہا۔

پاکستانی نژاد برطانوی اداکار کی لائیو ایکشن مختصر فلم نے بیسٹ لائیو ایکشن شارٹ فلم دی لانگ گڈ بائے کا ایوارڈ اپنے نام کیا رز احمد نے ’دی لانگ گڈ بائے‘ کو انیل کاریا کے ساتھ لکھا تھا جب کہ پاکستانی نژاد اداکار نے اس میں اداکاری بھی کی تھی۔

پاکستانی نژاد رز احمد کی فلم شارٹ لائیو ایکشن فلم کو بہترین ’شارٹ لائیو‘ فلم کا ایوارڈ دیا گیا اور یوں وہ پہلے پاکستانی نژاد ہولی وڈ مسلمان اداکار بن گئے، جنہوں نے فلمی دنیا کا اعلیٰ ترین ایوارڈ جیتا۔

اس سے قبل گزشتہ برس رز احمد کو پہلی بار ’آسکر‘ کے لیے نامزد کیا گیا تھا مگر بد قسمتی سے 2021 میں وہ ایوارڈ جیت نہیں پائے تھے گزشتہ برس رز احمد کو کو ان کی فلم ’ساؤنڈ آف میٹل‘ میں شاندار اداکاری کی وجہ سے بہترین اداکار کے لیے نامزد کیا گیا تھا مگر وہ ایوارڈ جیت نہیں پائے تھے۔

ثانیہ کوعدنان صدیقی کیساتھ کام کرتے دیکھنا کبھی نہیں چاہوں گا ، شعیب ملک

رز احمد دو درجن سے زائد فلموں میں کام کر چکے ہیں، انہوں نے 2006 میں دی روڈ ٹو گوانتانامو نامی فلم سے اداکاری کا آغاز کیا تھا رز احمد نے برطانوی و امریکی ٹی وی سیریلز میں کام کرنے سمیت گلوکاری بھی کی ہے جب کہ انہوں نے متعدد گانوں میں ماڈلنگ بھی کر رکھی ہے۔

ٹیگز:
زمرہ جات:
بین الاقوامیتازہ ترینشوبز
Shares: