مقدمہ درج نہ ہوا، پرویز الہیٰ عدالت پہنچ گئے

مقدمہ درج نہ ہوا، پرویز الہیٰ عدالت پہنچ گئے
سپیکر پنجاب اسمبلی چودھری پرویز الٰہی نے درخواست کے باوجود مقدمہ درج نہ کرنے پر سیشن عدالت میں درخواست دائر کر دی

چودھری پرویز الٰہی کی جانب سے سیشن عدالت میں دائر درخواست میں حمزہ شہباز ، آئی جی پنجاب ، ایس ایس پی سمیت دیگر کو نامزد کیا گیا ہے درخواست میں کہا گیا کہ متعلقہ تھانے میں اندراج مقدمہ کی درخواست دائر کی مگر پولیس درخواست پر کارروائی سے گریزاں ہے درخواست میں استدعا کی گئی کہ عدالت پولیس کواندراج مقدمہ کاحکم جاری کرے

قبل ازیں چودھری پرویز الہیٰ کا کہنا تھا کہ کل ایک بوگس، غیر آئینی اور متنازعہ الیکشن کروایا گیا، کل کے الیکشن کو گورنر پنجاب اور ایڈووکیٹ جنرل پنجاب پہلے ہی متنازعہ قرار دے چکے ہیں، یہ ایک آئینی مسئلہ ہے جب تک واضح صورتحال سامنے نہیں آتی تب تک اس کو تسلیم نہیں کر سکتے.ن لیگ کی اوچھی حرکتوں نے ثابت کر دیا کہ انہوں نے ابھی تک پرانے کام نہیں چھوڑے، ماضی میں عدالتوں پر حملہ کیا اب پنجاب اسمبلی پر دھاوا بول دیا گیا، کل جو کچھ پنجاب اسمبلی کے فلور پر ہوا پنجاب کی پارلیمانی تاریخ میں ایسا کبھی پہلے نہیں ہوا.پولیس ایسے آئی جیسے ڈاکوؤں پر حملہ کرنے آئے ہیں، یہ سب کچھ حمزہ شہباز کی سربراہی میں ہوا، ان کا ٹارگٹ تھا کہ پی ٹی آئی اور ہمارے ایم پی ایز کو ڈرا کر ایوان سے باہر نکالا جائے.

چودھری پرویز الہیٰ کا مزید کہنا تھا کہ ڈپٹی سپیکر نےگیلری میں کھڑے ہوکر الیکشن کروایاجسکی کوئی آئینی حیثیت نہیں ،مہمانوں کی گیلری میں میگا فون پکڑ کر تو کوئی بھی الیکشن کروا سکتا ہے،اجنبیوں کی جگہ بیٹھ کرایک اجنبی نےالیکشن کروایا،یہ کیساالیکشن ہے جس میں وزیراعلیٰ کےامیدوارکوزخمی کردیااور ان کی غیرموجودگی میں الیکشن ہوا ،جس طرح انہوں نے جعلی الیکشن کروایا اسی طرح کوئی جعلی گورنر ڈھونڈ کر جعلی حلف بھی لے لیں۔ہم نے کل جو درخواست دی ابھی تک اس پر مقدمہ درج نہیں کیا گیا، جبکہ ان کی درخواست پر کل رات ہی مقدمہ درج کر لیا گیا تھا۔

واضح رہے کہ ق لیگ کے رہنما چودھری پرویز الہیٰ کو پولیس نے بلا لیا تھا چودھری پرویز الہیٰ نے پنجاب اسمبلی میں ہونے والی ہنگامہ آرائی میں مبینہ حملے کے بعد پولیس کو اندراج مقدمہ کی درخواست دی تھی، جس کے بعد پولیس نے چودھری پرویز الہیٰ کو بلا لیا ہے، تھانہ قلعہ گجر سنگھ کی جانب سے چودھری پرویز الہیٰ کو ایک نوٹس جاری کیا گیا ہے جس میں کہا گیا ہے کہ آپ اپنا میڈیکل کروانے کے لئے تشریف لائیں تا کہ کاروائی آگے بڑھائی جا سکے

چوہدری پرویز الٰہی کی جانب سے تھانہ قلعہ گجر سنگھ میں اندراج مقدمہ کے لئے درخواست جمع کروا دی گئی ،درخواست میں کہا گیا کہ میں تحریک انصاف اور مسلم لیگ کا متفقہ امیدوار ہوں وزیراعلی کے الیکشن کے دوران سول کپڑوں میں پولیس ملازمین ایوان میں داخل ہوئے، پولیس ملازمین نے ایوان کا تقدس پامال کرتے ہوئے خواتین اراکین کو دھکے مارے، حمزہ شہباز نے اپنے ایم پی ایز کو حکم دیا کہ پرویز الہٰی کو جان سے مار دو،آئی جی پنجاب کے حکم پر ایس پی عمران اور ایس پی مستنصر، ایس ایچ او فاروق سمیت 2 سے تین سو مسلح ڈنڈا بردار پولیس اہلکار ایوان میں داخل ہو گئے پولیس ملازمین نے داخل ہوتے ہی ہمارے ایم پی ایز کو جان سے مارنے کی نیت سے حملہ کر دیا حمزہ شہباز کے حکم پر پولیس سے ڈنڈے کے کر رانا مشہود نے مجھ پر وار کیا رانا مشہود کے وار سے میرا دائیاں بازو ٹوٹ گیا جہانگیر خانزادہ نے وار کیا جو ایم پی اے عامر کو ہاتھ پر لگا

واضح رہے کہ پنجاب اسمبلی میں گزشتہ روز قائد ایوان کے انتخاب کے موقع پر ہنگامہ آرائی ہوئی تھی، پی ٹی آئی اراکین کی جانب سے ڈپٹی سپیکر پر تشدد کیا گیا تھا ،ڈپٹی سپیکر نے پولیس بلائی تو اراکین کی جانب سے پولیس اہلکاروں پر بھی تشدد کیا گیا تھا، اس دوران خواتین اراکین اسمبلی بھی پیچھے نہ رہیں اور انہوں نے پولیس اہلکاروں کے بال کھینچے، گردن سے پکڑا، راجہ یاسر بھی ایک ویڈیو میں نمایاں ہیں جو پولیس والوں کو دھکے دے رہے ہیں

تین دفعہ شریفوں نے وعدے لئے جو کبھی پورے نہ ہوئے،پرویز الہیٰ پھٹ پڑے

ہماری آفر پرویز الہیٰ نے مانی،دعا خیر کی پھر عمران کی چوکھٹ پر سجدہ ریز ہو گئے،خواجہ آصف

پنجاب اسمبلی میں دوبارہ جھگڑا ،پرویز الہیٰ بھی زخمی ہو گئے

پنجاب اسمبلی اجلاس، تصادم کے بعد پی ٹی آئی کا بائیکاٹ

زخمی ہونے کے بعد پرویز الہیٰ کی ہاتھ اٹھا کر بددعا، ویڈیو وائرل

حکومت کے ہاتھ پاؤں پھول گئے، شہزاد اکبر کو کیوں نکالا؟

عمران خان کے مشیر بیرون ملک روانہ

میری جان سے زیادہ پاکستان کی آزادی ضروری ، فوری الیکشن چاہتے ہیں ، عمران خان

کراچی جانے کیلئے عمران خان کو جہاز کس نے دیا؟ بحث چھڑ گئی

این اے 33 ہنگو،ضمنی انتخابات، پولنگ جاری،سیکورٹی سخت

پنجاب اسمبلی، ہنگامہ آرائی کا مقدمہ درج