سندھ نے سیلاب متاثرین کے علاج کے لیے حکومت پنجاب سے مدد مانگ لی
محکمہ صحت سندھ کی جانب سے سیکرٹری صحت پنجاب کو خط لکھ دیا گیا ،جس میں کہا گیا کہ سندھ کو اس وقت پنجاب کے تعاون کی ضرورت ہے،سندھ میں ڈاکٹرز و پیرا میڈیکس کی کمی کا سامنا ہے، سندھ کے 10 اضلاع میں ڈاکٹرز و پیرا میڈیکس کی اشد ضرورت ہے، ماہر اطفال ، ماہر امراض نسواں ، ماہر نفسیات اور ماہر امراض جلد کی اشد ضرورت ہے،سندھ کے 10 اضلاع میں ماہرین سمیت 380 طبی عملے کی ضرورت ہے،سندھ کے 10 اضلاع میں 38 لاکھ 41 ہزار 492 افراد سیلاب سے متاثر ہیں،
دوسری جانب سندھ کے صوبائی وزیر اطلاعات شرجیل میمن نے کہا ہے کہ کاشتکاروں کو ریلیف فراہم کرنا سندھ حکومت کی اولین ترجیح ہے ،قابل کاشت اراضی کا 37 لاکھ 73 ہزار 707 ایکڑ حصہ تباہ ہوا ،گندم کی آئندہ سال سپورٹ پرائس4ہزار روپےمقررکیا،سندھ حکومت نے نقصانات کا درست ڈیٹا جمع کرنے کے لیے کمیٹیاں تشکیل دے دی ہیں ،ڈیٹا جمع کرنے کے لیے کمیٹیاں آئندہ پیر سے سروے کا آغاز کریں گی دریائے سندھ میں 2 بیراجوں پر پانی ایک لاکھ کیوسک سے نیچے آگیا سندھ حکومت نے کاشتکاروں کو ریلیف فراہم کرنے کے لیے گندم کی آئندہ سال سپورٹ پرائس 4000 روپے فی کلو گرام مقرر کی ہے اس کے علاوہ زرعی قرضوں کی وصولی کو مؤخر کرنے کے لیے اقدامات کئے جا رہے ہیں متاثرہ علاقوں سے پانی کی نکاسی کے بعد ریلیف کیمپس سے متاثرین نے اپنے گھروں کو لوٹنا شروع کردیا ہے یدرآباد کے مختلف علاقوں یوسی ٹنڈو حیدر، یوسی موسیٰ کھٹیان اور دیگر علاقوں میں سرکاری اسکولوں سے متاثرین کو ان کے گوٹھوں کو روانہ کر دیا گیا ہے ریلیف کیمپس سے اپنے گھروں کو لوٹنے والے متاثرین کو ضلعی انتظامیہ ٹرانسپورٹ کي سہولت، ٹینٹس اور راشن فراہم کر رہی ہے 4 مزید قیمتی جانیں ضائع ہوئی ہیں، مجموعی طور 728 افراد ہلاک اور 8422 زخمی ہوئے ہیں مزید 26506 مویشیوں کے ہلاک ہونے کی رپورٹ موصول ہوئی ہے ، مجموعی طور پر 340015 مویشی ہلاک ہوئے ہیں 1061788 مکانات جزوی اور 720799 مکمل طور پر تباہ ہوئے ہیں محکمہ ورکس اینڈ سروسز کی رپورٹ کے مطابق 2548 سرکاری عمارتیں حالیہ بارشوں سے تباہ ہوئی ہیں
وزیرخارجہ بلاول کی میٹا کے عالمی امور کے صدر نک کلیگ سے ملاقات
سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں
حکومت پنجاب نے سیلاب زدہ علاقوں میں نقصانات کے تخمینے کا سروے 12 ستمبر سے شروع کرنے کا فیصلہ کیا ہے
وزیراعظم شہبازشریف سے امریکی نمائندہ خصوصی جان کیری کی ملاقات ہوئی ہے
پوری دنیا کو پاکستان کے ساتھ کھڑا ہونا ہوگا،وزیر اعظم
