راولپنڈی: مدرسے کے طالبعلموں پر بد ترین تشدد کرنے والے استاد کے خلاف بچوں کے والدین نے پولیس کو درخواست دے دی ہے ۔راولپنڈی پولیس کے مطابق راولپنڈی تھانہ ریس کورس کے علاقے میں واقع مدرسے کے معلم نے کمسن بچوں پر بدترین تشدد کیا،
راولپنڈی پولیس کے مطابق والدین نے استاد کی طرف سے بچوں پر کئے جانے والے بہیمانہ تشدد پر ردعمل دیتے ہو ئے معلم کی حیوانیت کے خلاف پولیس کو درخواست دے دی۔
مقامی مدرسے کے معلم نے سبق یاد نہ ہونے پر 7 سالہ سبحان اور 8 سالہ ابراھیم کو بدترین تشدد کا نشانہ بنایا، صبح 8 بجے مدرسے جانے والے بچوں کو معلم نے تشدد کا نشانہ بنایا، بچے شام چار بجے گھر پہنچے تو والدین کو بتایا کہ معلم نے تشدد کیا ہے۔
والدین کا کہنا تھا کہ معلم کے تشدد سے بچوں کے جسم پرپڑنے والے نشانات موجود ہیں، مقامی پولیس کو درخواست دی ہے کہ معلم کے خلاف قانونی کاروائی کی جائے۔
دوسری طرف خیبرپخونخوا کے ضلع مردان کے تھانہ شہباز گڑھی کی حدود میں نامعلوم افراد کی فائرنگ سے ہیڈ کانسٹیل جاں بحق ہوگیا۔پولیس حکام کا کہنا ہے کہ شہید ہیڈ کانسٹیبل حیات زمان کا تعلق بالا گڑھی سے تھا اور وہ چھٹی پر اہلخانہ سے ملنے کے لیے گھر آیا تھا۔
ذرائع کے مطابق حیات زمان کو اس وقت فائرنگ کا نشانہ بنایا گیا جب وہ گھر کے باہر موجود تھااسے فوری طور پر طبی امداد کے لیے اسپتال منتقل کیا گیا لیکن وہ زخموں کی تاب نہ لاتے ہوئے چل بسا۔
پولیس حکام کے مطابق شہید کانسٹیبل کی میت ورثا کے حوالے کردی گئی ہے۔پولیس کا کہنا ہے کہ جائے وقوعہ سے عینی شاہدین کے بیان قلمبند کیے جارہے ہیں جبکہ آخری اطلاعات آنے تک واقعے کا مقدمہ درج نہیں کیا گیا تھا۔
پوری دنیا کو پاکستان کے ساتھ کھڑا ہونا ہوگا،وزیر اعظم
وزیرخارجہ بلاول کی میٹا کے عالمی امور کے صدر نک کلیگ سے ملاقات
ہ حالیہ بارشوں اور سیلاب سے انسانی المیہ برپا ہوا ہے ۔
