عمران حسنی کی ہائی ٹائیڈ کا ٹریلر لانچ ، فلم رواں ماہ کے آخر میں ریلیز ہوگی

اداکار و ہدایت کار عمران حسنی اور پروڈیوسر پرشانت سنگھ کی سسپنس تھرلر فلم ہائی ٹائیڈ کا ٹریلر گزشتہ روز ممبئی میں لانچ کیا گیا ، مہمان خصوصی اداکارہ میگھا جوشی اور کاسٹیوم ڈیزائنر زیبینا حسنی کی موجودگی میں اس موقع پر فلم کی پوری کاسٹ بھی موجود تھی۔بالی وڈ اور بالی وڈ میں نامور فنکاروں کے ساتھ کام کرنے والے اداکار عمران حسنی نے کامیابی کی ایک اور سیڑھی ہائی ٹائیڈ کے ٹریلر کی لانچ کر کے چڑھی ہے. اس موقع پر ہائی ٹائیڈ کے پروڈیوسر پرشانت سنگھ نے کہا کہ عمران حسنی نہ صرف اس فلم کے ڈائریکٹر ہیں بلکہ اس میں انہوں نے اداکاری بھی کی ہے. یہ سسپنس تھرلر فلم ایک ایسے شخص کی جدوجہد کی کہانی ہے جو مشکل حالات میں پھنس جاتا ہے جہاں اس کی زندگی کے بارے

میں کچھ کہنا مشکل ہوتا ہے۔ ہر گزرتے لمحے کے ساتھ زندگی اور موت کا فاصلہ کم ہوتا جاتا ہے۔فلم میں عمران حسنی کے علاوہ دادھی آر پانڈے، ترونا سنگھ، سدھاکر مانی، میگھا جوشی، عدنان حسنی، امیت سنہا اور نوی روتیلا نے بھی اہم کردار ادا کیے ہیں۔اداکار و ہدایت کار عمران حسنی نے اس موقع پر کہا کہ اس فلم کا آئیڈیا بالکل مختلف ہے، میں اس کی کہانی کو ظاہر نہیں کر سکتا لیکن میں آپ کو یقین دلاتا ہوں کہ یہ ایک دلچسپ فلم ہے۔ ہائی ٹائیڈ اتر پردیش کے پھول پور، پریاگ راج، پرتاپ پور اور مرزا پور میں شوٹ کی گئی ہے۔فلم کے پروڈیوسر پرشانت سنگھ جو اس سسپنس تھرلر فلم کے میوزک کمپوزر بھی ہیں انہوں نے کہا کہ فلم کا تھیم سانگ "اے آسمان والے” ہے جسے شکیل اعظمی نے لکھا ہے اور کرشنا بیورا نے گایا ہے وہ کہانی سے خوب میچ کھاتا ہے. دوسری طرف ملبوسات ڈیزائنرکہتی ہیں کہ اس فلم کے ملبوسات ڈیزائن کرنا آسان نہ تھا.، یاد رہے کہ ہائی ٹائیڈ اس ماہ کے آخر تک سینما گھروں میں ریلیز ہوگی۔