چائلڈ پروٹیکشن اینڈویلفیئربیوروکی چئیرپرسن سارہ احمد نے بین الاقوامی ایوارڈ اپنے نام کرلیا.
بچوں کے استحصال سے بچاؤ اور حقوق کے تحفظ پر خدمات کیلئے پاکستان کی چائلڈ پروٹیکشن اینڈویلفیئربیوروکی چئیرپرسن سارہ احمد کو گلوبل کولیبو ریٹو ایوارڈ سے نواز دیا گیا۔ نجی ٹی وی کی رپورٹ کے مطابق چائلڈ پروٹیکشن اینڈویلفیئربیوروکی چئیرپرسن سارہ احمد کو بچوں کے استحصال سے بچاؤ اور ان کےحقوق کے تحفظ پر خدمات کے اعتراف میں گلوبل کولیبو ریٹو ایوارڈ دیا گیا ہے۔
گلوبل کولیبو ریٹو 50 سے زیادہ بین الاقوامی چائلڈ ویلفیئر اور ایڈووکیسی کی تنظیموں،عقیدے پر مبنی اداروں، سروائیور نیٹ ورکس اور حکومتوں پر مشتمل تنظیم ہے جو بچوں کے تحفظ اور استحصال کا شکار بچوں کی فلاح وبہبود کے لیے مل کر کام کرتے ہیں۔ کولیبو ریٹو کی جانب سے دنیا بھر سے بچوں کےاستحصال کی روک تھام کیلئے فعال کردار ادا کرنے والے 10 افراد کو اس ایوارڈ کے لیے منتخب کیا گیا تھا۔ گلوبل کولیبو ریٹو ایوارڈ حاصل کرنے والوں میں یونیسف کی ڈائریکٹر، چائلڈ یو ایس اے کے سی ای او، سیرالیون کی خاتون اول، ہارورڈ یونیورسٹی کے پروفیسر، ہالی وڈ کے اداکار ٹیلر پیری اور دیگر شامل ہیں۔
سارہ احمد کو گلوبل کولیبو ریٹو ایوارڈ بچوں کے استحصال کی روک تھام اور بچوں کے حقوق کے تحفظ کیلئے کی گئی خدمات کے صلے میں نوازا گیا ہے۔ پاکستان کے علاوہ دنیا بھر سے بچوں کے استحصال سے بچاؤ اوران کے حقوق کے تحفظ پر کام کرنے پر صرف 10 افراد کو گلوبل کولیبو ریٹو ایوارڈ سے نوازا گیا ہے۔ گلوبل کولیبو ریٹو ایوارڈ حاصل کرنے والوں میں یونیسف کی ڈائریکٹر، چائلڈ یو ایس اے کے سی ای او، سیرالیون کی خاتون اول، ہارورڈ یونیورسٹی کے پروفیسر، ہالی وڈ کے اداکار ٹیلر پیری اور دیگر شخصیات شامل ہیں۔سارہ احمد نے چائلڈ پروٹیکشن اینڈ ویلفیئر بیورو کی ٹیم کا شکریہ ادا کرتے ہوئے کہا کہ یہ ایوارڈ انہیں ان کی ٹیم کے اچھے کام کی بدولت ملا ہے۔ میرا مقصد بے سہارا اور عدم توجہی کا شکار بچوں کو تحفظ فراہم کرنا اوران کے استحصال کی روک تھام کو ممکن بنانا ہے۔ہم سب پر بچوں کے استحصال سے بچاؤ اور ان کے حقوق کے تحفظ کیلئے ذمہ داری عائد ہوتی ہے
ایوارڈ کی تقریب گزشتہ روز اٹلی کے شہر روم میں منعقدہوئی جس میں سیاستدان، بین الاقوامی این جی اوز نمائندوں، انٹر فیتھ لیڈرز، مخیر حضرات، استحصال کا شکار بچ جانے والے بچے، صحافیوں اور دیگر افراد شریک ہوئے۔ اس حوالے سے چیئرپرسن چائلڈ پروٹیکشن بیورو سارہ احمد نے ایکسپریس سے بات کرتے ہوئے کہا اتنے بڑے ایوارڈ کاملنا ان کے اور پاکستان کے لیے اعزاز کی بات ہے اور گلوبل کولیبو ریٹو ایوارڈ کو پاکستان کے تمام بچوں کے نام کرتی ہوں۔
مزید یہ بھی پڑھیں؛
سندھ ہائی کورٹ نے الیکشن کمیشن کو کراچی، حیدر آباد میں بلدیاتی الیکشن کا حکم دے دیا
پاکستان کی جی ڈی پی کو 2050 تک 18 سے 20 فیصد تنزلی کا خدشہ
ہائی کورٹ ڈپٹی کمشنر کی ذمے داریاں نہیں سنبھال سکتی. اسلام آباد ہائی کورٹ
انھوں نے کہا کہ ایوارڈ حاصل کرنے کے بعد بچوں کے استحصال کی روک تھام اور ان کے حقوق کے تحفظ کے لئے پہلے سے زیادہ ذمہ داری عائد ہوتی ہے اور اس ذمہ داری کو مزید احسن طریقے سے سرانجام دوں گی،ایوارڈ حاصل کرنے پر چئیرمین عمران خان اور حکومت پنجاب کی جانب سے سپورٹ کرنے پر شکر گزار ہوں۔ اس کے علاوہ چائلڈ پروٹیکشن بیورو کی ٹیم کا شکریہ ادا کرتی ہوں جن کے کام کی بدولت مجھے یہ ایوارڈ ملا۔انہوں نے کہا کہ ان کا مقصد تمام بے سہارا اور عدم توجہی کا شکار بچوں کو تحفظ فراہم کرنا اور بچوں کے استحصال کی روک تھام کو ممکن بنانا ہے۔
