آئی ایس آئی کے سابق چیف جنرل ر حمید گل کے صاحبزادے عبداللہ حمید گل نے افغان طالبان اور امریکہ کے مابین معاہدہ کے بارے میں بڑی خبردے دی ہے۔
بہت جلد افغان طالبان سے 13 ہزار امریکی فوجیوں کی محفوظ واپسی کا معاہدہ ہوجائے گا ، زلمے خلیل زاد
سماجی رابطے کی ویب سائٹ ٹوئٹر پر عبداللہ گل نے ایک ٹوئٹ کی ہے جس کے مطابق افغان طالبان اور امریکہ کے مابین انخلا کا معاہدہ تقریباً تین ہفتہ پہلے طے پا چکا ہے مگر گارنٹرز کی وجہ سے اعلان نہیں ہوا۔ امید ہے کہ ستمبر کے اوائل میں اعلان ہو جائیگا۔
افغان طالبان اور امریکہ کے مابین انخلا کا معاہدہ تقریباً تین ہفتہ پہلے طے پا چکا ہے مگر گارنٹرز کی وجہ سے اعلان نہیں ہوا۔
امید ہے کہ ستمبر کے اوائل میں اعلان ہو جائیگا۔
ایک دفعہ امریکا کا مقصد پورا ہوگیا تو پھر پاکستان کی اسکو کتنی ضرورت رہ جائیگی؟
کشمیر پالیسی کو طول نہ دی جائے— Abdullah Gul (@MAbdullahGul) August 29, 2019
عبداللہ گل نے مزید لکھا ہے کہ ایک دفعہ امریکا کا مقصد پورا ہوگیا تو پھر پاکستان کی اسکو کتنی ضرورت رہ جائیگی؟اس لیے کشمیر پالیسی کو طول نہ دیا جائے۔
یاد رہے کہ افغان طالبان اور امریکہ کے درمیان مذاکرات کا فائنل راونڈ جاری ہے ۔امریکی نمائندہ خصوصی زلمے خلیل زاد کا کہنا ہے کہ طالبان کے ساتھ مذاکرات کے کامیاب اختتام کے قریب ہیں۔ دوسری طرف امریکی جنرل جوزف ڈنفورڈ نے کہا تھا کہ افغانستان سے امریکی افواج کے انخلا کا کہنا قبل ازوقت ہے ۔افغانستان سے فوج کا انخلا امن مذاکرات کے نتائج سے منسلک ہے۔
