کشمیریوں سے اظہار یکجہتی کے لیے واپڈا پیغام یونین اور ملی رکشہ یونین کی ریلی

واپڈا پیغام یونین اور ملی رکشہ یونین کی طرف سے کشمیر ریلی لیسکو ہیڈ کواٹر سے واپڈا ہاؤس تک نکالی گئی جس میں کثیر تعداد میں افراد کی شرکت ہوئی

باغی ٹی وی رپورٹ :واپڈا پیغام یونین اور ملی رکشہ یونین کی طرف سے کشمیر ریلی لیسکو ہیڈ کواٹر سے واپڈا ہاؤس تک نکالی گئ۔ ریلی میں محنت کشوں کی کثیر تعداد نے شرکت کی۔کشمیریوں اور پاک فوج کے ساتھ یکجہتی کا مظاہرہ کیا گیا۔ اور اللہ کے حضور دعا کی گئ۔اس موقع پر مزدور، ملازمین اور رکشہ ڈرائیوروں کی طرف سے کثیر تعداد میں لوگوں نے شرکت کی.مظاہرین نے اپنے ہاتھوں پر بڑے بڑے بینرز اور پلے کارڈ اٹھا رکھے تھے . جن پر نعرے درج تھے،کشمیریوں سے رشتہ کیا لاالہ الا اللہ، کشمیر بنےگا

پاکستان..پاک فوج قدم بڑھاؤ ہم تمہارے ساتھ ہیں. اس موقع پر شرکا ء کا جوش و ولولہ قابل دید تھا ، وہ بلند آواز سے بھارتی مظالم کے خلاف نعرہ بازی لگا رہے تھے . عالمی برادری سےپر زور مطالبہ کر رہےتھےکہ کشمیر کےاند جاری ظلم و ستم کو فی الفور ختم کیا جائے..
واضح رہےکہ جب سے بھارت نے کشمیر کے متعلق اپنے آئین میں ترمیم کر کے کشمیر کی آئینی حیثیت تبدیل کی ہے تب سے کشمیر اور پاکستان سمیت دنیا بھر میں بھارت کے خلاف ریلیاں ، مظاہرے اور احتجاج کا سلسلہ بڑے پیمانے پر جاری ہے.