پاپائے اعظم پوپ ایمریٹس بینڈکٹ کی یاد میں لاہور میں تعزیتی ریفرنس
سیکرٹ ہاٹ کیتھیڈرل چرچ لاہور آرچ بشپ سبسچئن شاء کی زیر صدارت تعزیتی ریفرنس کا انعقاد
لاسیکرٹ ہاٹ کیتھیڈرل چرچ لاہورمیں آرچ بشپ سبسچئن شاء کی زیر صدارت پاپائے اعظم پوپ ایمریٹس بینڈکٹ کی یاد میں ایک تعزیتی ریفرنس کا انعقاد کیا گیا۔جس میں پولیٹیکل اسسٹنٹ وزیراعلی پنجاب برائے انسانی حقوق رابنسن عزیز فرانسس، چیئرمین قومی کمیشن برائے بین المذاہب آرچ بشپ سبیسٹین فرانسس شاء، چیئرمین کل مسالک علماء بورڈ مولانامحمدعاصم مخدوم،سابق پردھان گردوارہ پربندھک کمیٹی سردار بشن سنگھ،علامہ قاری خالد محمود،پروفیسر سید محمود غزنوی،پروفیسر عدنان فیصل،فادر اشفاق انتھونی،فادر قیصر فیروز اور اسسٹنٹ ڈائریکٹر انسانی حقوق میاں عمر حیات سمیت دیگر نے شرکت کی۔
تعزیتی ریفرنس میں پوپ ایمریٹس بینڈکٹ کی خدمات کو خراج تحسین پیش کیا گیا جبکہ ان کی یاد میں شمع بھی روشن کی گئی۔آرچ بشپ سبسچئین شاء نے تعزیتی ریفرنس سے خطاب کرتے ہوئے کہا کہ پاپائے اعظم کی ملی خدمات کو ہمیشہ سنہری حروف میں لکھا جائے گا۔انہوں نے دنیا میں قیام امن کیلئے بے مثال خدمات سرانجام دی ہیں جبکہ امن اور رواداری کے لیے ان کی جدوجہد قابل تحسین ہے۔پولیٹیکل اسسٹنٹ برائے انسانی حقوق رابنسن عزیز نے پا پائے اعظم کی بین المذاہب خدمات کو خراج تحسین پیش کرتے ہوئے کہا کہ ان کی تمام زندگی انسانیت کی خدمت میں گزر گئی اور انکا ایک ہی پیغام تھا کہ دنیا بھر میں امن و محبت قائم ہو۔ مولانا عاصم مخدوم نے کہا کہ ہر مذہب میں امن کا پیغام عام ہے اور ہم سب کو اپنی صفوں میں اتحاد قائم رکھتے ہوئے مذہبی ہم آہنگی اور رواداری کو فروغ دینے کے لیے ملکر آگے بڑھنے کی ضرورت ہے۔تعزیتی ریفرنس سے دیگر مذہبی رہنماؤں نے بھی مختصر خطاب کیا اور یقین دلایا کہ وہ اپنے اردگرد بین المذاہب ہم آہنگی کو بڑھاوا دینے کے لیے اپنا کلیدی کردار ادا کریں گے۔
عثمان بزدار کے گرد گھیرا تنگ،مبشر لقمان نے بطور وزیر بیورو کریسی کیلئے کیسے سٹینڈ لیا تھا؟ بتا دیا
Leave a reply
