باغی ٹی وی کی رپورٹ کے مطابق تحریک انصاف کے چیئرمین عمران خان کی گرفتاری کے لئے پولیس زمان پارک پہنچی ہے
زمان پارک تحریک انصاف کے کارکنان جمع ہیں، اس موقع پر پولیس اور کارکنان کا آمنا سامنا ہوا تو کارکنان کی جانب سے پتھراؤ کیا گیا وہیں پولیس کی جانب سے شیلنگ کی گئی، پولیس زمان پارک کے مرکزی دروازے تک پہنچ چکی ہے، ایک ویڈیو سامنے آئی ہے جس میں دیکھا جا سکتا ہے کہ عمران خان کے گھر میں دھواں پھیلا ہوا ہے،
عمران خان کے گھر پر بھی آنسو گیس کی شیلنگ pic.twitter.com/OhMLKyAqof
— Baaghi TV باغی ٹی وی (@BaaghiTV) March 14, 2023
پولیس کی طرف سے زمان پارک میں گھر کی چھت پر بھی شیلنگ کی گئی پی ٹی آئی کی خاتون رہنما مسرت جمشید چیمہ کے مطابق پورے گھر میں دھواں بھر گیا ہے لان میں آنسو گیس کے شیل فائر کیے گئے ہیں جس کی وجہ سے گھر کے اندر بھی دھواں پھیل چکا ہے گھر میں کچن تک دھواں بھرا ہوا ہے
دوسری جانب تحریک انصاف کے رہنما شاہ محمود قریشی کا کہنا ہے کہ ہم قانون کے دائرے میں رہتے ہوئے اپنا دفاع کر رہے ہیں،چیئر مین پی ٹی آئی عمران خان کا دفاع کریں گے، تحریک انصاف کے ٹویٹر اکاؤنٹ سے کہا گیا ہے کہ ایچیسن کالج اور زمان پارک کے بیرئیر کے پاس پولیس کی نفری واٹر کینن اور آنسو گیس کے ساتھ پہنچ گئی ہے تمام کارکنان جلد از جلد زمان پارک پہنچیں قا نون پر عمل کرنے کیلئے ہم درمیانی راستہ نکالتے ہیں
اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس
، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟
، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،
