سابق وزیراعظم عمران خان کے بھانجے حسان نیازی کی درخواست ضمانت پر سندھ ہائیکورٹ میں کل سماعت ہو گی،
عدالت نے فوری سماعت کی استدعا مسترد کر دی، حسان نیازی کے والد حفیظ اللہ نیازی کی جانب سے سندھ ہائیکورٹ میں فوری سماعت کی درخواست کی گئی، جس پر جسٹس کے کے آغا نے آج سماعت سے انکارکرتے ہوئے کہا کہ کل معمول کے مطابق کارروائی کریں گے، سندھ ہائیکورٹ کے دو رکنی بینچ نے فوری سماعت کی درخواست پر کل دلائل دینے کی ہدایت کر دی
حسان نیازی کی درخواست ضمانت میں موقف اپنایا گیا ہے کہ بیٹے کے خلاف مقدمات کی تفصیلات فراہم کی جائیں حسان نیازی کے خلاف مقدمات خارج کیے جائیں ایک ہی معاملے کی ایک سے زیادہ ایف آئی آر نہیں درج کی جا سکتیں، عدالت ضمانت دے گرفتاری کو غیر قانونی اور کالعدم قرار دیا جائے
دوسری جانب سٹی کورٹ کراچی میں جوڈیشل مجسٹریٹ شرقی کی عدالت میں اشتعال انگیز تقاریر کیس کی سماعت ہوئی، پولیس نے حسان نیازی کو عدالت میں پیش کردیا ،عدالت نے حسان نیازی کے خلاف مقدمہ ڈسچارج کرتے ہوئے بری کرنے کا حکم دے دیا ،وکلا پی ٹی آئی نے کہا کہ سیاسی مخالفت ہر جھوٹا کیس بنایا گیا ہے ، تفتیشی افسر نے عدالت میں کہا کہ ملزم سے تفتیش کرنی ہے انتہائی سخت الزامات ہیں،وکلا نے عدالت میں کہا کہ حسان نیازی کو رہا کیا جائے۔ عدالت نے حسان نیازی کی ہتھکڑیاں کھولنے کا حکم دے دیا ،عدالت کے حکم پر حسان نیازی کی ہتھکڑیاں کھل گئیں
اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس
، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟
، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،
دوسری جانب کراچی پولیس نے حسان نیازی کو لاہور سے اپنی حراست میں لے کر کراچی منتقل کر دیا ہے، کراچی پولیس کی 4 رکنی ٹیم نے حسان نیازی کو اپنی حراست میں لیا ٹیم میں ایس آئی اور3 پولیس اہلکار شامل ہیں، تفتیشی حکام کا کہنا ہے کہ حسان نیازی کو تفتیش کے بعد کورٹ میں پیش کیا جائے گا، حسان نیازی کے خلاف کراچی کے جمشید کوارٹر تھانے میں مقدمہ درج ہے جس میں ان پر اشتعال انگیز تقاریر کی دفعات شامل ہیں،
