فرح گوگی کی 70 کروڑ روپے کی کرپشن بے نقاب ہو گئی.
پاکستان تحریک انصاف (پی ٹی آئی) کے چیئر مین عمران خان کی اہلیہ بشریٰ بی بی کی قریبی دوست فرح شہزادی (عرف فرح گوگی) کی 70 کروڑ روپے کی کرپشن بے نقاب ہو گئی۔ سینئر صحافی انیق ناجی کی جانب سے سماجی رابطے کی ویب سائٹ ٹویٹر پر ویڈیو شیئر کی گئی جس میں فرح گوگی کے ڈیلر اعتراف جرم کر رہے ہیں۔
فرح گوگی کے ڈیلر کی فریاد۔ کروڑوں روپے کا فراڈ کر کے خود بھاگ گئی۔ دلچسپ تفصیلات pic.twitter.com/11REad2cUx
— Aniq Naji (@aniqnaji) April 19, 2023
سینئر صحافی کی جانب سے بتایا گیا ڈیلر فرح گوگی کا اکاؤنٹنٹ ہے۔ ویڈیو میں ملزم بتا رہا ہے کہ وفاقی تحقیقاتی ادارے (ایف آئی اے) اور قومی احتساب بیورو (نیب) والے مجھے تنگ کر رہے ہیں۔ اس دوران نامعلوم شخص دوبارہ پوچھتا ہے کہ آپ نے کیا کیا ہے آپ نے کہ وہ آپ کو تنگ کر رہے ہیں۔
تو اس پر ملزم جواب دیتے ہوئے کہتا ہے کہ میڈم فرح کے اکاؤنٹ میں جو پیسے جمع کروائے تھے اس کی وجہ سے۔ اسی دوران نامعلوم شخص دوبارہ پوچھتا ہے کہ کیا پیسے کمپنی کے اکاؤنٹ میں نہیں کرواتے تھے آپ؟ اس پر ملزم دوبارہ جواب دیتے ہوئے کہتا ہے کہ نہیں ان (فرح گوگی) کے پرنسل اکاؤنٹ میں پیسے جمع کرواتے تھے۔ میڈم مجھے اور ناصر کو گھر پر بلاتی تھیں، اور ہمیں پیسے دیتی تھیں۔
ملزم ویڈیو میں مزید بتاتا ہے کہ پیسے کبھی ایک کروڑ، کبھی دو کروڑ، کبھی تین کروڑ ملتے تھے، ہم نے صرف ڈیڑھ سال کے دوران 70 کروڑ روپے پیسے جمع کروائے ہیں۔ نامعلوم شخص دوبارہ کہتا ہے کہ اس کرپشن کا حساب فرح گوگی دیں گی تم کیوں پریشان ہو، اس پر ملزم جواب دیتے ہوئے کہتا ہے کہ فرح گوگی خود تو باہر چلی گئی ہیں اور کہتی ہیں کہ آپ نے بالکل پیش نہیں ہونا۔ نہ نیب میں پیش ہونا ہے نہ ہی ایف آئی اے میں۔
مزید یہ بھی پڑھیں؛
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
نامعلوم شخص دوبارہ کہتا ہے کہ آپ کو نیب اور ایف آئی اے میں پیش ہو جانا چاہیے۔ اس پر ملزم کہتا ہے کہ وکیل کی جانب سے مجھے منع کیا جا رہا ہے کہ ایف آئی اے اور نیب میں پیش نہیں ہونا، ہم خود ہی معاملہ کو دیکھ کر جواب دے دیں گے۔ ملزم کہتا ہے کہ میرے لیے بہت پریشانی بنی ہوئی ہے، میرے چھوٹے چھوٹے بچے ہیں، میڈم فرح گوگی خود تو باہر چلی گئی ہیں اور ہمیں یہاں پھنسا گئی ہیں۔
