کراچی میئر شپ، حافظ نعیم الرحمان کو تحریک انصاف کی حمایت مل گئی

کراچی کے میئر شپ کے لئے تحریک انصاف نے جماعت اسلامی کی حمایت کر دی،

تحریک انصاف کراچی نے اعلان کیا ہے کہ میئر کراچی کے الیکشن میں جماعت اسلامی کے امیدوار حافظ نعیم الرحمان کی حمایت کریں گے، اس ضمن میں ترجمان پی ٹی آئی کا کہنا تھا کہ پیپلز پارٹی میئر کراچی کے انتخابی عمل میں پری پول رگنگ کر رہی ہے منتخب بلدیاتی نمائندگان کو سندھ پولیس کے ذریعے اغواء کرایا جا رہا ہے پیپلز پارٹی 4 بار بلدیاتی انتخاب سے پیچھے بھاگی اب عجلت میں میئر کا انتخاب کرانا چاہتی ہے بلدیاتی نمائندگان کی حلف برداری سے پہلے ان کو اغوا  کیا جا رہا ہے پی ٹی آئی اس معاملے پر عدالت سے بھی رجوع کر چکی ہے میئر کا انتخاب شفاف طریقہ کار سے ہونا چاہیے پیپلز پارٹی اور ایم کیو ایم نہیں چاہتیں کہ عوامی مینڈیٹ قبول کیا جائے

دوسری جانب جماعت اسلامی کراچی کے امیر، اور کراچی کے الیکشن میں میئر کے امیدوار حافظ نعیم الرحمان کا کہنا ہے کہ تحریک انصاف نے میری غیر مشروط حمایت کا اعلان کیا ہے، ہم انہیں کراچی کے ڈپٹی میئر کی پیشکش کریں گے، پیپلزپارٹی نے انتخابی نتائج کوتبدیل کیا اپنی مرضی کی حلقہ بندیاں کیں اگر اختیارات آسانی سے نہیں ملے تو چھین کر لیں گے آئین کے تحت جو اختیارات ہیں وہ بلدیاتی اداروں کو دینے پڑیں گے جماعت اسلامی اختیارات کا رونا نہیں روئے گی جتنا کام کرسکے کریں گے تا کہ سارا شہر اپنے حقوق کے لیے جماعت اسلامی کی آواز سے آواز ملائے

کراچی کو ایسے فرد کی ضرورت ہے جو اسٹیک ہولڈرز کو ساتھ لیکر چلے۔

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟