سابق وزیراعظم ہو یا عام شہری آئین نے ہر کسی کو حق دیا،جج انسداد دہشتگردی عدالت

انسداد دہشتگردی عدالت اسلام آباد میں چیئرمین پی ٹی آئی عمران خان کے خلاف دہشتگردی ایکٹ کے تحت درج تین مقدمات کی سماعت ہوئی۔

وکیل سلمان صفدر نے کہا کہ چیئرمین پی ٹی آئی کے خلاف 3 مقدمات درج ہیں، دفعہ 109 لگی ہوئی ہے، کیا چیئرمین پی ٹی آئی نے کوئی بیان دیا؟ چیئرمین پی ٹی آئی کو کچھ معلوم نہیں ان کے خلاف ثبوت ہیں کیا،جج ابوالحسنات نے تفتیشی افسر سے مکالمہ کرتے ہوئے کہا کہ ڈبل پالیسی نہیں چلے گی اے ٹی سی نے 3 مقدمات میں چیئرمین پی ٹی آئی کی 26 جولائی تک ضمانت میں توسیع کر دی

اے ٹی سی جج ابوالحسنات نے سماعت سے قبل وکیل سلمان صفدر سے مکالمہ کرتے ہوئے کہا کہ میں نے تفتیشی افسر کو کہا کہ قانون کے مطابق ڈیل کریں اگر ملزمان سے کچھ نہیں ملا تو آزاد کریں ایسا رہا تو میں آئی جی کو کال کرکے کارروائی کرواؤں گا ملزم کو گناہ گار ثابت کریں یا چھوڑ دیں عدالت کے رحم و کرم پر نہ چھوڑیں ،وکیل سلمان صفدر نے کہا کہ بہت پلان کے ذریعے چیئرمین پی ٹی آئی کو مقدمات میں نامزد کیا گیا،تفتیشی افسر کہہ دیں کہ چیئرمین پی ٹی آئی سے کچھ تفتیش میں برآمد نہیں ہوا دہشتگردی ایکٹ کے 5 مقدمات میں اسی پراسیکیوشن کے سامنے ضمانتیں کنفرم ہوئی ہیں پولیس ہی مدعی ہے اور پولیس ہی تفتیش کررہی ہے ایسے کمزور ثبوتوں کی بنیاد پرتفتیش کو آگے لے کر نہیں چلیں گے پراسیکیوشن اور پولیس ایک ساتھ نہیں چل سکتی

جج ابوالحسنات نے کہا کہ سابق وزیراعظم ہو یا عام شہری آئین نے ہر کسی کو حق دیا ہے پراسیکیوشن والے ایسا کرتے رہے تو انہیں نتائج کا سامنا کرنا پڑے گا

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں