انسداد دہشتگری کی خصوصی عدالت،پولیس نے جناح ہاؤس حملہ کیس کی تحقیقات مزید تیز کردیں
پولیس نے پی ٹی آئی کے 268 روپوش کارکنوں کے ناقابل ضمانت وارنٹ گرفتاری جاری کرنے کی درخواست دائر کردی ،انسداد دہشتگری کی خصوصی نے پولیس کی درخواست منظور کرلی ،عدالت نے جناح ہاؤس حملہ کیس میں پی ٹی آئی کے 268 کارکنوں کے وارنٹ گرفتاری جاری کردیے .جج اے ٹی سی اعجاز احمد بٹر نے 10 صفحات پر مشتمل تحریری فیصلہ جاری کردیا
عدالت نے فیصلہ میں کہا کہ جناح ہاؤس حملہ کیس میں ملزمان کے بیانات کی روشنی میں مزید 268 ملزمان کو نامزد کیا گیا ہے، ملزمان روپوش ہیں اور گرفتاری سے بچنے کی کوشش کر رہے ہیں پولیس کے مطابق ملزمان کے مطابق شواہد موجود ہیں پولیس کی ناقابل ضمانت وارنٹ گرفتاری جاری کرنے کی درخواست منظور کی جاتی ہے
دوسری جانب انسداد دہشتگری کی خصوصی عدالت نے پی ٹی آئی رہنما شاہ محمود قریشی، اسد عمر کی عبوری ضمانتوں پر تحریری حکم جاری کر دیا، عدالت نے تحریری حکم میں کہا کہ درخواست گزاروں نے دلائل کے لیے مہلت مانگیدرخواست گزاروں کی استدعا پر کارروائی ملتوی کی جاتی ہے درخواست گزاروں کے وکیل 18 اگست کو عبوری ضمانتوں پر دلائل دیں شاہ محمود قریشی ،اسد عمر پر جناح ہاؤس حملہ کیس سمیت متعدد مقدمات درج ہیں
عمران خان کی گرفتاری کے بعد کور کمانڈر ہاؤس لاہور میں ہونیوالے ہنگامہ آرائی میں پی ٹی آئی ملوث نکلی
بشریٰ بی بی کی گرفتاری کے بھی امکانات
نواز شریف کو سزا سنانے والے جج محمد بشیر کی عدالت میں عمران خان کی پیشی
مراد سعید کے گھر پر پولیس نے چھاپہ
اوریا مقبول جان کو رات گئے گرفتار
واضح رہے کہ عمران خان کی گرفتاری کے بعد پی ٹی آئی کارکنان نے فوجی تنصیبات پر ملک بھر میں حملے کئے تھے، شرپسند عناصر کو گرفتار کیا جا چکا ہے، گرفتار افراد کا کہنا ہے منظم منصوبہ بندی کے تحت حملے کئے گئے، شرپسند افراد نے ویڈیو بیان بھی جاری کئے ہیں جس میں انہوں نے اعتراف کیا کہ یہ سب منصوبہ بندی کے تحت ہوا، پی ٹی آئی رہنما بھی گرفتار ہیں تو اس واقعہ کے بعد کئی رہنما پارٹی چھوڑ چکے ہیں
