سابق وزیراعظم نواز شریف کو سزا سنانے والے جج محمد بشیر کی عدالت میں عمران خان کی پیشی ہو گی
عمران خان کو کل گرفتار کیا گیا تھا، عمران خان کی پیشی کے لئے پولیس لائنز میں خصوصی عدالت میں سماعت ہو گی، احتساب عدالت کے جج محمد بشیر کیس کی سماعت کریں گے، عدالتی عملہ پولیس لائنز پہنچ گیا ہے، نیب ذرائع کا کہنا ہے کہ عمران خان کے 14 روزہ جسمانی ریمانڈ کی استدعا کی جائے گی ، عمران خان کو پولیس لائن منتقل کر دیا گیا ہے
دوسری جانب عمران خان کی گرفتاری پر احتجاج اور توڑ پھوڑ کی وجہ سے دو مقدمے درج کئے گئے ہیں، مقدمات تھانہ کھنہ اورلوہی بھیر میں درج کئے گئے ،کار سرکار میں مداخلت، دفعہ 144 کی خلاف ورزی کی دفعات شامل ہیں
اسلام آباد میں دفعہ 144 کے بعد ریڈ الرٹ بھی جاری کر دیا گیاریڈ زون میں عام افراد کے داخلے پر پابندی عائد کر دی گئی، سرکاری اورنجی املاک کو نقصان پہنچانے والوں کے خلاف سخت کارروائی کے احکامات جاری کئے گئے ہیں شہر بھر میں 3 ہزار پولیس اور اینٹی رائٹس فورس کے مسلح اہلکار تعینات کئے جائیں گے اہم مقامات اور چوراہوں پر رینجرز اور ایف سی کی نفری بھی لگائی جائے گی جی پی او اور کچہری پر کنٹینرز لگائے جائیں گے بعد ازاں شہر کے اہم مقامات کو جانے والے راستوں پر بھی کنٹینرز کھڑے کئے جائیں گے
واضح رہے کہ احتساب عدالت نمبر ایک کے جج محمد بشیرنے ایون فیلڈ ریفرنس میں سابق وزیراعظم نوازشریف کو 11 سال، ان کی صاحبزادی مریم نواز کو 8 جبکہ داماد کیپٹن (ر) صفدر کو ایک سال قید کی سزا سنائی تھی تاہم اسلام آباد ہائیکورٹ نے احتساب عدالت کی سزا معطل کردی تھی ،
دوسری جانب یہ بھی کہا جا رہا ہے کہ نواز شریف کو جب سزا سنائی گئی تھی تو انکے وکیل خواجہ حارث تھے، اب عمران خان کو جب گرفتار کیا گیا ہے تو انکے وکیل بھی خواجہ حارث ہی ہیں، نواز شریف اور عمران خان کے کیس کی ایک ہی جج کے سامنے سماعت اور دونوں کا ایک ہی وکیل ، حسن اتفاق یا کچھ اور کہانی ہے؟
ملک بھر میں احتجاج کے دوران جلاؤ گھیراؤ
بشریٰ بی بی کی گرفتاری کے بھی امکانات
سیاسی مفادات کے لئے ملک کونقصان نہیں پہنچانا چاہئے
القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف
