غزہ کی صورتحال پر سینیٹ کا اجلاس فوراً بلایا جائے . سینیٹر رضاربانی

پیپلز پارٹی کے رہنما سینیٹر رضا ربانی نے کہا ہے کہ غزہ کی صورتحال پر سینیٹ کا اجلاس فوراً بلایا جائے جبکہ رضاربانی نے اپنے ایک بیان میں کہا ہے کہ غزہ میں ایک ہزار سے زائد عمارات کو تباہ کیا گیا، غزہ میں 23 لاکھ افراد کا پانی ، کھانا،بجلی کی سپلائی منقطع ہے، ایسے میں سینیٹ اجلاس نہ بلا کر نگران حکومت پاکستانی عوام کے جذبات کی عکاسی نہیں کر رہی اور انہوں نے کہا کہ نگران حکومت کو خوف ہے سینیٹ اجلاس ہوا تو اس کے الیکشن ایکٹ سیکشن 230 سے تجاوز کردہ اقدامات بے نقاب ہو جائیں گے۔

سینیٹر رضا ربانی کا مزید کہنا تھا کہ نگران حکومت نیب میں بھرتی نہیں کرسکتی کیونکہ یہ معیادی تقرریاں ہوتی ہیں،جسے منتخب حکومت ختم نہیں کرسکتی ہے اور اس کے علاوہ انہوں نے کہا کہ نگران حکومت نجکاری نہیں کر سکتی،سرکاری اداروں کی نجکاری کے طویل مدتی اثرات ہوتے ہیں، پی آئی اےکی نجکاری کا فیصلہ نگران کابینہ نہیں کر سکتی،یہ مشترکہ مفادات کونسل دیکھ سکتی ہے۔
مزید یہ بھی پڑھیں؛
آرمی چیف جنرل عاصم منیر سے قطر آرمڈ فورسز کے چیف آف اسٹاف کی ملاقات
نواز شریف کی قیادت میں ترقی کاسفر 2018 سے شروع کریں گے. شہباز شریف
دل کے مرض کی ایک نئی قسم دریافت
آپ نے گھبرانا نہیں، جیل سے عمران خان کا پیغام
بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان
خیال رہے کہ شامی دارالحکومت دمشق کے ائیرپورٹ پر اسرائیلی فوج نے بمباری کی ہے جبکہ عرب میڈیا کے مطابق اسرائیلی فضائیہ نے شامی دارالحکومت دمشق سمیت حلب کے ائیرپورٹ پر بھی بمباری کی ہے۔ تاہم دمشق کے ہوائی اڈے پر اسرائیلی بمباری کے بعد ائیرپورٹ سے دھویں کے بادل اٹھتے دکھائی دئے گئے، ہیں اور اسرائیلی بمباری کی وجہ سےہوائی اڈوں کے رن وے کو نقصان پہنچنے کی بھی اطلاعات ہیں۔