اسلامی نظریات کو موثر طریقے سے نسل نو کے سپرد کرنے کی ضرورت ہے،مفتی منیب الرحمان

مرکز اسلام جامعہ اسلام آبادکا 32 سالانہ جلسہ دستار فضیلت اور 13 واں سالانہ ختم بخاری شریف میں شیخ الحدیث حضرت علامہ الحاج مفتی پیر سید محمد نوید الحسن شاہ مشہدی سجادہ نشین درگاہ مقدسہ بھکھی شریف کی زیر صدارت اور شیخ الحدیث پروفیسر ڈاکٹر مفتی محمد ظفر اقبال جلالی پرنسپل وشیخ الحدیث جامعہ اسلام آباد کی زیر نگرانی منعقد ہوا ۔جس میں مفتی اعظم پاکستان مفتی منیب الرحمن صدر تنظیم المدارس اہل سنت پاکستان ،ڈاکٹر ساجد الرحمن سجادہ نشین آستانہ عالیہ بگھار شریف اور پاکستان بھر سے علما ومشائخ اور مختلف شعبہ حیات سے تعلق رکھنے والی دینی ،مذہبی ،ملی اور سماجی شخصیات نے شرکت کی۔

شیخ الحدیث پیر سید مفتی محمد نوید الحسن شاہ مشہدی سربراہ جماعت جلالیہ پاکستان نے دورہ حدیث شریف کے طلبہ کو صحیح البخاری کی آخری حدیث شریف کا درس دیا اور وعظ ونصیحت بھی فرمائی ۔انہوں نے کہا کہ علمائے کرام اور اسکالرز کو عصر حاضر کے تقاضوں کے مطابق حکمت ودانشمندی کے ساتھ تبلیغ دین کا فریضہ نبھانا چاہیے۔مفتی اعظم پاکستان مفتی منیب الرحمن نے کہا کہ اسلامی عقائد و نظریات اور دینی احکام کو موثر اور مدلل طریقے سے نسل نو کے سپرد کرنے کی ضرورت ہے ۔ڈاکٹر مفتی محمد ظفر اقبال جلالی نے کہا کہ جامعہ اسلام آباد نے 100 سے زائد ایم فل وپی ایچ ڈی اسکالرز اور 150 حفاظ وقراء اور علماء ومفتیان کرام قوم کو تحفہ دیے ہیں ۔  ان شاء اللہ العزیز جلد ہی یونیورسٹی کی عظیم الشان مسجد کا قیام عمل میں لایا جائے گا اور جلد ہی یونیورسٹی کے چار شعبہ جات (اسلامک اسٹڈیز ،عریبک،کمپیوٹر سائنس اور اکنا مکس ) میں تعلیمی سلسلہ شروع ہو جائے گا ۔انہوں نے تمام معزز مہمانان گرامی کا شکریہ بھی ادا کیا ۔

ترجمان کے مطابق اس موقع پر ایم فل اور پی ایچ ڈی اسکالرز کو اعزازی شیلڈز پیش کی گئی اور مفتیان عظام ،علمائے کرام اور حفاظ وقراء کی دستار بندی وجبہ پوشی کی گئی ۔اس موقع پر اسلام آباد انٹرنیشنل یونیورسٹی پاکستان کے پہلے تعلیمی بلاک کے پہلے فلور اور اسلام آباد ایجوکیشن ایند ریلیف فاؤنڈیشن کا افتتاح شیخ الحدیث حضرت علامہ الحاج مفتی پیر سید محمد نوید الحسن شاہ مشہدی نے کیا اور خصوصی دعا کی ۔معزز مہمانوں کو گلدستے پیش کیے گئے اوراُن کا پرتپاک استقبال کیا گیا ۔وائٹ روز مارکی کا ھال عوام کے جم غفیر سے کچھاکھچ بھرا تھا ۔کانووکیشن کے اختتام پر شیخ الحدیث حضرت علامہ الحاج مفتی پیر سید محمدنوید الحسن شاہ مشہدی سجادہ نشین درگاہ مقدسہ بھکھی شریف ملک وملت کے لیے خصوصی دعا کروائی.

جماعت اسلامی کا تحریک انصاف سے اتحاد سے انکار

نواز شریف کا چوتھی بار وزارت عظمیٰ کا خواب ادھورا، شہباز شریف وزیراعظم نامزد

اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف

پی ٹی آئی کا وفاق اور پنجاب میں ایم ڈبلیو ایم ،خیبر پختونخوامیں جماعت اسلامی سے اتحاد کا اعلان

نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ

موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق

جہانگیر ترین پارٹی عہدے سے مستعفی،سیاست چھوڑنے کا اعلان

انتخابات میں ناکامی، سراج الحق جماعت اسلامی کے عہدے سے مستعفی