بچے سے بدفعلی کی کوشش، غیر قانونی پنچایتوں کا دباؤ قبول نہیں کیا جائے گا،پولیس
بچے سے بدفعلی کی مبینہ کوشش، پولیس حرکت میں آ گئی، آئی جی پنجاب نے حکمنامہ جاری کر دیا ،
فیصل آباد کے علاقے تاندلیانوالہ میں کم سن بچے سے زیادتی کے مبینہ واقعے کے بعد پنچائیت کے ذریعے معاملہ ختم کرنے کے واقعے پر پنجاب پولیس اعلی ترین سطح پر حرکت میں آگئی،پنجاب پولیس نے اعلان کیا کہ پنچائیت کے ذریعے رہا ہونے والے ملزم کے کیس سے ڈس چارج کو پراسیکوشن ڈیپارٹمنٹ چیلنج کرے گا ،بچے کے والد کاکہنا تھا کہ مسجد انتظامیہ نے صلح کروانے کی کوشش کی،میں نے سوچا آج میرے بچے کے ساتھ یہ ہو رہا کل کسی اور کے بچے کے ساتھ بھی ہو سکتا ہے،میں نے ضروری سمجھا کہ میرا بیٹا آج اس آفت سے بچ گیا ہے تو دوسروں کے بچوں کو بھی بچانا ہے
تاندلیانوالہ میں بچے سے مبینہ زیادتی کا واقعہ گزشتہ ہفتے سامنے آیا تھا،علما کرام کی مداخلت کے بعد ملزم کو رہا کروا دیا گیا تھا، سوشل میڈیا پر یہ مطالبہ کیا جا رہا تھا کہ ریاست مدعی بنے اور ملزم کے خلاف کاروائی کرے اب پولیس حکام کی جانب سے بیان جاری کیا گیا ہے جس میں کہا گیا ہے کہ تاندلیانوالہ میں کم سن بچے سے ریپ کی کوشش کے کیس میں متوازی عدلیہ اور غیر قانونی پنچایتوں کا دباؤ قبول نہیں کیا جائے گا، آئی جی پنجاب ڈاکٹر عثمان انور نے تاندلیانوالہ میں کم سن بچے سے زیادتی کی کوشش کے کیس میں ڈی آئی جی لیگل، ایس ایس پی انویسٹی گیشن فیصل آباد اور ایس پی صدر فیصل آباد کے ہمراہ متاثرہ بچے اور اس کے والد سے آج ملاقات کی۔ متاثرہ بچے کے والد کو ریاست کی طرف سے مکمل تعاون کا یقین دلایا گیا،پنجاب پولیس نے پراسیکیوٹر جنرل پنجاب سید فرہاد علی شاہ سے اس کیس کے حوالے سے مکمل مشاورت کی، جن کی سفارشات کے تحت پراسیکیوشن ڈیپارٹمنٹ اس ملزم کی بریت کو چیلنج کرے گا کیونکہ اس کیس میں پنچایت کے دباؤ کے تحت ملزم کی رہائی ممکن ہوئی، ملزم کی رہائی کا قطعی یہ مطلب نہیں کہ تفتیش کا عمل انجام کو پہنچ گیا ہے،پنجاب پولیس متوازی عدلیہ اور غیر قانونی پنچایتوں کی طرف سے بغیر کسی امتیاز یا غیر قانونی سماجی دباؤ کے، متاثرہ خاندان کے لیے انصاف کو یقینی بنائے گی۔
زیادتی کیس، مولانا مجرم ثابت ہوں تو قرار واقعی سزا دی جائے،علامہ ابتسام الہیٰ ظہیر
دوسری جانب صلح کروانے والے علامہ ابتسام الہیٰ ظہیر کا کہنا ہے کہ بعض عناصر پراپیگنڈہ کر رھے ھیں کہ میں نے زیادتی کے مجرم کی متاثرہ بچے کے باپ سے صلح کروادی یہ بات سو فیصد بے بنیاد ھے ایسا عمل کرنا قانونی اور شرعی اعتبار سےسنگین جرم ھے ،تاندلیانوالہ میں میں بچے کے باپ کی دعوت پر انکے تجویز کردہ مقام پر پہنچا جس وقت بچے کے باپ نے پبلک میں یہ موقف اپنایا کہ زیادتی یا ھراسیت نہیں ھوئی تو میں نے اور دیگر سیاسی اور مذھبی شخصیات نے باقی تنازعہ اور پاوں دبانے والی بات پر معافی دینے کی بات کی معافی جنسی زیادتی کے حوالے سے نہ تھی،ہمارا ریاست اور اسکے ماتحت اداروں سے مطالبہ ھےکہ مولانا ابوبکر بچہ اور اسکا والد ابھی بھی موجود ہیں میرٹ پر تفتیش کی جائے اگر مولانا مجرم ثابت ہوں تو قرار واقعی سزا دی جائے اور اگر مولانا بے گناہ ھوں تو اچھے طریقے سے تفتیش کرکے جھوٹا الزام لگانے والوں کا محاسبہ کیا جائے.
واقعہ کا مقدمہ کمسن بچے کے والد کی مدعیت میں تھانہ سٹی تاندلیانوالہ میں درج کیا گیا، درج ایف آئی آر کے مطابق سائل جناح کالونی کا رہائشی ہے، سائل کا بیٹا طیب جس کی عمر 12 سال ہے نماز مغرب ادا کرنے کے لئے مسجد قدس محلہ اسلام پورہ میں گیا کافی دیر تک واپس نہ آیا تو تشویش ہوئی، دیگر احباب کے ہمراہ مسجد گئے تو ساتھ والے مکان میں ابوبکر معاویہ جو مسلح تھا، اسکے پاس کلاشنکوف تھی، وہ شلوار اتار کر بیٹے سے زیادتی کی کوشش کر رہا تھا،ہمیں دیکھ کر انہوںنے شلوار پہن لی اور ہم پر اسلحہ تان لیا کہ اگر کوئی قریب آیا تو جان سے مار دوں گا،میرے بیٹے کے ساتھ زیادتی کرنے کی کوشش کر کے سخت زیادتی کی گئی ہے.
پولیس نے اندراج مقدمہ کے بعد ملزم ابوبکر معاویہ کو گرفتار کیا ، گرفتاری کی ویڈیو بھی وائرل ہوئی ، مولانا ابوبکر معاویہ کی گرفتاری کے بعد مذہبی رہنما متحرک ہو گئے اور متاثرہ بچے کے والد سے جا کر ملاقات کی اور صلح کروا دی جس کے بعد مولانا ابوبکر معاویہ کو رہا کر دیا گیا.
اڈیالہ جیل میں قیدیوں کی ساتھی قیدی کے ساتھ بدفعلی،جان بھی لے لی
چکوال،مدرسے کے دو اساتذہ کی 15 طلبا کے ساتھ بدفعلی
معروف مدرسے کے مہتمم کی طالب علم کے ساتھ زیادتی
ناجائز تعلقات سے منع کرنے پر بیوی نے شوہر کو مردانہ صفت سے محروم کر دیا
لاہورپولیس کا نیا کارنامہ،نوجوان کو برہنہ سڑکوں پر گھمایا، تشدد سے ہوئی موت
خاتون کو غیرت کے نام پر قتل کرنے والے دوملزمان گرفتار
واش روم میں نہاتی خاتون کی موبائل سے ویڈیو بنانے والا پولیس اہلکار پکڑا گیا
گھناؤنا کام کرنیوالی خواتین پولیس کے ہتھے چڑھ گئیں
پشاور کی سڑکوں پر شرٹ اتار کر گاڑی میں سفر کرنیوالی لڑکی کی ویڈیو وائرل
دولہا کے سب ارمان مٹی میں مل گئے، دلہن نے کیوں کیا اچانک انکار؟
شادی شدہ خاتون سے معاشقہ،نوجوان کے ساتھ کی گئی بدفعلی،خاتون نے بنائی ویڈیو
