اسلام آباد: محکمہ موسمیات نے آج سے ملک بھر میں یکم جولائی تک بارشوں کی پیشگوئی کی ہے –
محکمہ موسمیات کے مطابق آج سے بحیرۂ عرب اور خلیج بنگال سے مون سون ہوائیں ملک میں داخل ہونے کے بعد سندھ کے مختلف علاقوں، اسلام آباد، بلوچستان، پنجاب، خیبرپختونخوا، گلگت بلتستان اور کشمیر میں بھی بادل برسنے کا امکان ہے، تاہم کراچی میں اگلے تین روز تک گرمی برقرار رہنے کا امکان ہے۔
گزشتہ روز کراچی میں سمندری ہوائیں بند ہونے کے باعث 41 ڈگری کی گرمی کی شدت 50 ڈگری کی محسوس کی گئی جبکہ کراچی میں آئندہ تین روز کے دوران بھی گرمی کی شدت برقرار رہنے کا امکان ہے اس سے قبل جناح اور سول اسپتال میں 10 افراد کا انتقال ہوا، اید ھی فاؤنڈیشن کے 3 سرد خانوں میں تین روز کے دوران 300 لاشیں لانے کی بھی تصدیق کی گئی شہر کے مختلف علاقوں سے نشے کے عادی 7 افراد کی بھی لاشیں ملیں جبکہ گرمی سے کیٹل کالونی میں متعدد جانور بھی ہلاک ہوئے۔
