افغان نائب سفیر کی دفتر خارجہ طلبی،دہشتگردی کیلئے افغان سرزمین کے استعمال پر شدید احتجاج

افغانستان سفارتخانے کے ڈپٹی ہیڈ آف مشن کی وزارت خارجہ طلبی ہوئی ہے

دہشتگردی میں افغان سرزمین کے استعمال پر پاکستان نے شدید احتجاج کیا ہے، پاکستان نے بنوں کنٹونمنٹ حملے پر افغانستان کو احتجاجی مراسلہ جاری کیا،ترجمان دفتر خارجہ کے مطابق مراسلے میں بنوں میں 15 جولائی کےدہشتگرد حملے کی شدید مذمت کی گئی ہے،افغانستان کے ڈپٹی ہیڈ آف مشن کو کہا گیا کہ افغانستان حکومت بنوں حملے کے ذمہ داروں کیخلاف فوری کارروائی کرے ،دہشت گرد حملہ افغانستان میں مقیم حافظ گل بہادر گروپ نے کیا ،حافظ گل بہادر گروپ پاکستا ن کے اندر متعدد دہشت گرد حملوں کا ذمہ دار ہے، دہشت گرد حملے میں 8 سکیورٹی اہلکار شہید اور کئی زخمی ہوئے، حافظ گل بہادرگروپ، کالعدم تحریک طالبان پاکستان ے مل کرپاکستان میں متعدد دہشت گرد حملوں کا ذمہ دار ہے، حملوں میں سیکڑوں شہری اور قانون نافذ کرنے والے اہلکار شہید ہوئے، افغانستان کی عبوری حکومت پر واقعے کی مکمل تحقیقات پر زور دیتے ہیں ، افغان عبوری حکومت بنوں حملے کے ذمہ داروں کےخلاف فوری اور مؤثر کارروائی کرے، افغان عبوری حکومت افغان سرزمین کوپاکستان میں ایسےحملوں میں استعمال ہونے سے روکے۔

ترجمان دفتر خارجہ کے مطابق پاکستان نے افغانستان میں موجود دہشت گرد تنظیموں پر شدید تحفظات کا اعادہ کیا، اور کہا کہ ایسے حملے دونوں ملکوں کے برادرانہ تعلقات کی روح کے منافی ہیں، بنوں کنٹونمنٹ حملہ علاقائی امن وسلامتی کو درپیش دہشت گردی کے سنگین خطرے کی ایک اوریاد دہانی ہے،پاکستان دہشت گردی کےخلاف فیصلہ کن کارروائی کے مطالبے کا اعادہ کرتا ہے،پاکستان دہشتگردی سے نمٹنے اور سلامتی برقرار رکھنے کے عزم پر ثابت قدم ہے۔

واضح رہے کہ گزشتہ روز بنوں میں دہشت گردوں نے‌حملہ کیا تھا جس میں پاک فوج کے آٹھ جوان شہید ہو گئے تھے،ڈی جی آئی ایس پی آر کے مطابق بنوں میں دہشت گردی کی گھناؤنی کارروائی حافظ گل بہادر گروپ نے کی ہے، جو افغانستان سے کام کرتا ہے اور ماضی میں بھی پاکستان کے اندر دہشت گردی کی کارروائیوں کے لیے افغان سرزمین استعمال کرتا رہا ہے۔ پاکستان نے عبوری افغان حکومت کے ساتھ مسلسل اپنے تحفظات کا اظہار کیا ہے، ان سے کہا ہے کہ وہ دہشت گردوں کی جانب سے افغان سرزمین کے مسلسل استعمال سے انکار کرے اور ایسے عناصر کے خلاف موثر کارروائی کرے۔

بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید

ڈی آئی خان، سیکورٹی فورسز کا آپریشن، 8 دہشتگرد جہنم واصل

ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل

شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل

شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید