راشد منہاس کایوم شہادت، مسلح افواج، صدر ،وزیراعظم کی جانب سے خراج عقیدت
![Shaheed Pilot Officer](https://baaghitv.com/wp-content/uploads/2023/08/rashid-minhas.jpg)
کم عمر ترین شہید پائلٹ آفیسر راشد منہاس کا 53 واں یوم شہادت آج منایا جا رہا ہے، مسلح افواج نے راشد منہاس شہید نشان حیدر کو خراج عقیدت پیش کیا ہے
پائلٹ آفیسر راشد منہاس شہید (نشانِ حیدر)کے53ویں یومِ شہادت پر مساجد میں قرآن خوانی اور دعاؤں کا اہتمام کیا گیا،آج پائلٹ آفیسر راشد منہاس شہید کا یومِ شہادت پوری عقیدت اور احترام سے منایا جا رہا ہے
پائلٹ آفیسر راشد منہاس نشان حیدر حاصل کرنے والوں میں سب سے کم عمر ہیں، راشد منہاس 20 اگست 1971 کو گوٹھ احمد شاہ سجاول میں شہید ہوئے،اعزازِ نشان حیدر حاصل کرنے والے پائلٹ آفیسرکراچی میں پیدا ہوئے، خاندان کے متعدد افراد پاکستان کی بری بحری اور فضائی افواج میں اعلیٰ عہدوں پر فائز تھے۔ انھوں نے بھی اپنا آئیڈیل فوجی زندگی کو بنایا۔ اور اپنے ماموں ونگ کمانڈر سعید سے جذباتی وابستگی کی بنا پر فضائیہ کا انتخاب کیا۔ تربیت کے لیے پہلے کوہاٹ اور پھر پاکستان ائیر فورس اکیڈیمی رسالپور بھیجے گئے۔ فروری 1971ء میں پشاور یونیورسٹی سے انگریزی، ائیر فورس لا، ملٹری ہسٹری، الیکڑونکس، موسمیات، جہاز رانی، ہوائی حرکیات وغیرہ میں بی۔ ایس۔ سی کیا۔ بعد ازاں تربیت کے لیے کراچی بھیجے گئے۔ اور اگست 1971ء میں پائلٹ آفیسر بنے،20 اگست 1971ء کو راشد کی تیسری تنہا پرواز تھی۔ وہ ٹرینر جیٹ طیارے میں سوار ہوئے ہی تھے کہ ان کا انسٹرکٹر سیفٹی فلائٹ آفیسر مطیع الرحمان خطرے کا سگنل دے کر کاک پٹ میں داخل ہو گیا اور طیارے کا رخ بھارت کی سرحد کی طرف موڑ دیا۔ راشد نے ماڑی پور کنٹرول ٹاور سے رابطہ قائم کیا تو انھیں ہدایت کی گئی کہ طیارے کو ہر قیمت پر اغوا ہونے سے بچایا جائے۔ اگلے پانچ منٹ راشد اور غدار انسٹرکٹر کے درمیان طیارے کے کنٹرول کے حصول کی کشمکش میں گزرے مطیع الرحمان نے راشد منہاس سے طیارے کا کنٹرول حاصل کرنے کی پوری کوشش کی لیکن راشد منہاس نے اس کو ناکام بنا دیا،مطیع الرحمان کی تجربہ کاری کی بنا پر جب راشد منہاس نے محسوس کیا کہ طیارے کو کسی محفوظ جگہ پر لینڈ کرانا ممکن نہیں تو انھوں نے آخری حربے کے طور پر جہاز کا رخ زمین کی طرف موڑ دیا اور طیارہ زمین سے ٹکرا کر تباہ ہو گیا جس کے نتیجے میں راشد منہاس اور مطیع الرحمان دونوں وفات پا گئے لیکن ایک نے قابل رشک موت یعنی شہادت کا درجہ پایا اور تاریخ میں اپنا نام امر کر لیا۔ جبکہ دوسرا غدار کہلایا۔ راشد منہاس کے اس عظیم کارنامے کے صلے میں انھیں سب سے بڑا فوجی اعزاز نشانِ حیدر دیا گیا۔
آئی ایس پی آر کے مطابق راشد منہاس نے دوران ڈیوٹی پاک افواج کی عظیم روایات کی پاسداری کی، راشد منہاس کی برسی کا دن مسلح افواج کی غیرمعمولی قربانیوں کی یاد دلاتا ہے، وطن کے دفاع کے لیے جانوں کا نذرانہ پیش کرنے والے ہیروز کی قربانیوں کو یاد رکھیں، قوم کو اپنے بہادر بیٹوں پر فخر ہے۔
پاکستان کی مسلح افواج، چیئرمین جوائنٹ چیفس آف سٹاف کمیٹی اور سروسز چیفس نے پائلٹ آفیسر راشد منہاس کے 53 ویں یوم شہادت کے موقع پر خراج عقیدت پیش کیا اور کہا کہ پائلٹ آفیسر راشد منہاس پاکستان کی تاریخ میں جرات اور قربانی کی روشن مثال کے طور پر ہمیشہ زندہ رہیں گے، انہوں نے آج کے دن، 1971 میں، ملک کی دفاع کے دوران اپنی جان کا نذرانہ پیش کیا۔ان کی بے مثال بہادری اور وطن کے تحفظ کے لیے غیر متزلزل عزم کی عکاسی کرتا ہے، جب ہم اس قومی ہیرو کو خراج عقیدت پیش کرتے ہیں، تو ہم ان کی غیر معمولی بہادری کے اس عمل کو یاد کرتے ہیں،آج کا دن ہماری مسلح افواج کے جذبے کی علامت اور ان کی ناقابل تسخیر وابستگی کا ثبوت ہے۔پائلٹ آفیسر راشد منہاس کی قربانی ہمیشہ ہماری تاریخ کا حصہ رہے گی اور آنے والی نسلوں کو ان کی مثالی بہادری اور وفاداری کو اپنانے کی ترغیب دے گی، پاکستان کی مسلح افواج پائلٹ آفیسر راشد منہاس کی غیر معمولی بہادری، ثابت قدمی اور فرض کے تئیں لگن کو سلام پیش کرتی ہیں، اوران کے ورثے سے تحریک حاصل کرتے ہوئے پیشہ ورانہ مہارت اور قوم کے ساتھ لگن کے اعلیٰ ترین معیار کو برقرار رکھنے کا عزم کرتی ہیں۔
صدر مملکت آصف علی زرداری نے راشد منہاس شہید کے یوم شہادت پر انہیں خراج عقیدت پیش کیا ہے
راشد منہاس شہید نے جان کی قربانی دے کر دشمن کے ناپاک عزائم کو خاک میں ملا دیا۔وزیراعظم
راشد منہاس کے 53 ویں یوم شہادت پر وزیرِ اعظم شہباز شریف کا کہنا ہے کہ نشانِ حیدر یافتہ پائلٹ آفیسر راشد منہاس نے نوجوانوں کے لیے جرأت، بہادری و فرض شناسی کی مثال قائم کی ہے،راشد منہاس شہید نے جان کی قربانی دے کر دشمن کے ناپاک عزائم کو خاک میں ملا دیا۔ راشد منہاس شہید کی فرض شناسی، بہادری نوجوانوں کے لیے مثال ہےمجھ سمیت پوری قوم پاک فضائیہ کے اس بہادر سپوت کو سلام پیش کرتی ہے
اسپیکر قومی اسمبلی سردار ایاز صادق نے پائلٹ آفیسر راشد منہاس شہید (نشانِ حیدر) کے یومِ شہادت کے موقع پر پیغام جاری کیا ہے، اسپیکر قومی اسمبلی کا کہنا تھا کہ پائلٹ آفیسر راشد منہاس (نشانِ حیدر) کو انکے 53ویں یوم شہادت پرخراجِ عقیدت پیش کرتا ہوں،راشد منہاس شہید نے وطنِ عزیز کی حفاظت کے لیے اپنی جان کا نذرانہ پیش کیا، راشد منہاس شہید نے بے مثال بہادری اور جرات کا مظاہرہ کر کے قوم کا سر فخر سے بلند کیا، ہماری مسلح افواج نے مادرِ وطن کی خاطر لازوال قربانیاں پیش کی ہیں،وطن عزیز کے دفاع کے لیے کسی قربانی سے دریغ نہیں کریں گے،
پرویز الہی نے پی ٹی آئی چھوڑ کر سیاست سے کنارہ کشی اختیار کر لی
رہائی کے چند دن بعد پرویز الہیٰ پھر مشکل میں پھنس گئے
میرے ساتھ” زیادتی” کرنے میں سب سے زیادہ اہم کردار محسن نقوی کا رہا ،پرویز الہیٰ
سماعت سے محروم بچوں کے والدین گھبرائیں مت،آپ کا بچہ یقینا سنے گا
سوشل میڈیا پر فوج مخالف پروپیگنڈہ کےخلاف سینیٹ میں قراردادمنظور
سوشل میڈیا پر نفرت انگیز مواد کی تشہیر،یورپی ممالک سے 40 پاکستانی ڈی پورٹ
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
تصاویر:سعودی عرب میں سوئمنگ سوٹ فیشن شو،خواتین ماڈلز کی نیم عریاں کیٹ واک