نو ڈیل ،نوکمپرومائیز، وزیراعظم کا دو ٹوک موقف سامنے آ گیا

وزیراعظم عمران خان سے قانونی مشیر، تحریک انصاف کے رہنما بابراعوان نے ملاقات کی ہے

باغی ٹی وی کی رپورٹ کے مطابق ملاقات میں ملکی سیاسی صورتحال ،آئینی وقانونی معاملات پر گفتگو کی گئی، وزیراعظم عمران خان کےدورہ امریکا اورسعودی عرب پربھی مشاورت کی گئی

وزیراعظم عمران خان کا کہنا تھا کہ پوری توجہ کشمیر کاز پر مرکوز ہے، جنرل اسمبلی میں خطاب اہم ہوگا،وزیراعظم عمران خان نے کسی بھی قسم کی ڈیل کےامکانات کویکسر مسترد کردیا

وزیراعظم عمران خان نے کہا کہ نو ڈیل ،نوکمپرومائز”دو ٹوک موقف ہے، احتساب کا عمل اسی طرح جاری رہے گا،پہلی باراحتساب کا عمل سیاسی مداخلت سے آزاد ہے، احتساب کا عمل شفاف اور بےلاگ ہے،

بابر اعوان کا کہنا تھا کہ کشمیر ایشوپرحکومتی حکمت عملی درست اقدام ثابت ہوئی،کامیاب خارجہ پالیسی کےباعث پوری دنیا میں کشمیرکا مقدمہ سناگیا، ڈیل کی خبریں پھیلانے والوں کو مایوسی ہوگی.

وزیراعظم عمران خان نے آج حکومتی ترجمانوں‌اور پارٹی رہنماؤں کا اجلاس طلب کر لیا ہے،اجلاس وزیراعظم ہاؤس میں دن کے دو بجے ہو گا جس میں حکومتی ترجمان شرکت کریں گے،وزیراعظم عمران خان کی زیر صدارت اجلاس میں موجودہ سیاسی صورتحال، مولانا کے آزادی مارچ، وزیراعظم کے جنرل اسمبلی میں خطاب کے حوالہ سے مشاورت کی جائے گی

اجلاس میں بھارتی وزیراعظم مودی کے خطاب کے دوران جنرل اسمبلی کے باہر احتجاج کے حوالہ سے بھی حکمت عملی پر غور کیا جائے گا.

دوسری جانب وزیراعظم عمران خان نے وفاقی کابینہ کا اجلاس کل منگل کو طلب کر لیا ہے، وفاقی کابینہ اجلاس کے دوران 13 نکاتی ایجنڈے پر غور کیا جائے گا، اس سے قبل گزشتہ ہفتے وفاقی کابینہ کا اجلاس پارلیمنٹ کے مشترکہ اجلاس کی وجہ سے ملتوی کر دیا گیا تھا.

وزیراعظم عمران خان امریکا جانے سے قبل سعودی عرب کا دورہ کریں گے جہاں وہ سعودی حکام سے ملاقاتیں کریں گے، دفتر خارجہ نے وزیراعظم کے طے شدہ شیڈول کے مطابق تیاریاں شروع کر دی ہیں،وزیراعظم امریکہ میں اہم ممالک کے صدور اور وزیراعظم سے ملاقات کریں گے .

آئیں چلیں سب مظفرآباد،بن کر کشمیریوں کی آواز،فردوس عاشق اعوان

پاک فوج میں مائیں اپنے بچوں کوشہادت کے جذبےسے بھیجتی ہیں،ترجمان پاک فوج

بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج

پاکستان نے یو این جنرل اسمبلی کے باہر بڑے احتجاج کا فیصلہ کیا ہے، وزیراعظم کے معاون خصوصی زلفی بخاری کو اس حوالہ سے اہم زمہ داریاں سونپ دی گئی ہیں. وزیراعظم عمران خان نے اعلان کیا تھا کہ مودی کے خطاب کے دوران جنرل اسمبلی کے باہر بھر پور احتجاج کیا جائے گا.

قبل ازیں ایڈیشنل سیکرٹری دفتر خارجہ نے وزیراعظم عمران خان کے دورے اور جنرل اسمبلی اجلاس سے خطاب کے حوالہ سے بریفنگ دیتے ہوئے کہا کہ اقوام متحدہ جنرل اسمبلی اجلاس میں وزیراعظم شرکت کریں گے،اقوام متحدہ میں وزیراعظم عمران خان اپنی تقریرمیں مسئلہ کشمیر کا معاملہ اٹھائیں گے،بھارتی وزیراعظم نریندر مودی کے خطاب کے بعد وزیراعظم پاکستان کا خطاب ہے ،وزیراعظم عمران خان اجلاس کے علاوہ 8سے 9ممالک کے سربراہان سے ملیں گے، وزیراعظم اجلاس کے بعد تھنک ٹینک سے خطاب کریں گے .وزیراعظم ہرسطح پر معاملہ اٹھائیں گے.

قائمہ کمیٹی برائے دفاع کا اجلاس، وزیر دفاع کی عدم شرکت،اراکین کمیٹی برہم