اسلام آباد: پاسپورٹ کے لیے فاسٹ ٹریک کیٹگری کی سہولت کا دائرہ کار مزید 26 شہروں تک بڑھا دیا گیا۔
باغی ٹی وی : ڈائریکٹوریٹ آف امیگریشن اینڈ پاسپورٹس کی جانب سے اس حوالے سے نوٹیفکیشن بھی جاری کر دیا گیا ہے جس کے مطابق پاکستان کے 47 شہروں میں فاسٹ ٹریک کیٹگری کے تحت پاسپورٹس بنوائے جا سکیں گے۔
نوٹیفکیشن میں کہا گیا ہے کہ اسلام آباد، کراچی، لاہور، پشاور اور کوئٹہ میں سہولت پہلے سے ہی میسر ہے جبکہ اب یہ سہولت اٹک، چکوال، سرگودھا، حافظ آباد، میانوالی، بھکر میں بھی میسر ہو گی علاوہ ازیں کوہاٹ، صوابی، سوات، ڈی آئی خان، بنوں، ہنگو، ایبٹ آباد، ہری پور بھی فہرست میں شامل ہو گئے ہیں،اسی طرح مظفرآباد، میرپور آزاد کشمیر، باغ، کوٹلی، راولا کوٹ بھی فاسٹ ٹریک کیٹگری کا حصہ بن گئے ہیں۔
اسلام آباد ہائیکورٹ کے دو نئے ایڈیشنل ججز نے حلف اٹھا لیا
واضح ر رہے کہ اس نئے اقدام سے شہریوں کو پاسپورٹ کے حصول میں تیز اور آسان طریقے سے مدد ملے گی، اور ان کے وقت کی بچت ہو گی فاسٹ ٹریک کی سہولت ان افراد کیلئے خاص طور پر مفید ثابت ہو تی ہے جنہیں غیر ملکی سفر کرنے کیلئے فوری طور پر نکلنا ہوتا ہے۔
فاسٹ ٹریک پاسپورٹ کیسے بنتا ہے؟
محکمہ پاسپورٹ کی درخواستوں کے لیے تین زمرے پیش کرتا ہے، جس میں نارمل، ارجنٹ اور فاسٹ ٹریک شامل ہیں تاہم دو دن میں پاکستانی پاسپورٹ کیسے بنتا ہے؟ڈائریکٹوریٹ جنرل آف امیگریشن اینڈ پاسپورٹ شہریوں کو ان کی دستاویزات کی تصدیق کے بعد پاسپورٹ جاری کرنے کا مجاز اتھارٹی ہے۔
صوبہ سندھ اور پنجاب میں تیل و گیس کے نئے ذخائر دریافت
محکمہ پاسپورٹ کی درخواستوں کے لیے تین زمرے پیش کرتا ہے، نارمل، ارجنٹ اور فاسٹ ٹریک، درخواست دہندگان کی ایک قابل ذکر تعداد فاسٹ ٹریک آپشن لینے پر مجبور ہے کیونکہ دیگر دو زمروں میں بڑے پیمانے پر تاخیر ہوتی ہے،فاسٹ ٹریک سروس کے تحت درخواست گزار کو دو دنوں میں پاسپورٹ جاری کر دیا جاتا ہے۔
جو پاکستانی شہری جو دو دنوں میں اپنا پاسپورٹ حاصل کرنا چاہتے ہیں وہ فاسٹ ٹریک کیٹیگری کا انتخاب کر سکتے ہیں، درخواست جمع کرانے کے دو دن بعد ہی انہیں پاسپورٹ جاری کر دیئے جاتے ہیں۔
بائیڈن انتظامیہ کے "تباہ کن” آرڈرز کو واپس لوں گا،ٹرمپ
فاسٹ ٹریک پاسپورٹ کی فیس کیا ہے؟
پانچ سال کی میعاد کے ساتھ 36 صفحات پر مشتمل پاسپورٹ کی فیس 12,500 روپے اور 10 سالہ میعاد کے لیے 16,200 روپے ہے، اسی طرح پانچ سال کی میعاد کے ساتھ 72 صفحات پر مشتمل پاسپورٹ کی فاسٹ ٹریک فیس 18,500 روپے ہے جبکہ 10 سال کی فیس 25,200 روپے ہوگی، اسی طرح پانچ سال کی میعاد والے 100 صفحات پر مشتمل پاسپورٹ کی فیس 23,000 روپے ہے جبکہ 10 سال کے لیے 32,000 روپے ہے۔
بائیڈن انتظامیہ کے "تباہ کن” آرڈرز کو واپس لوں گا،ٹرمپ
