مقبوضہ کشمیر میں ایک اور بھارتی فوجی اہلکار نے شدید ذہنی دباو اور خوف کا شکار ہو کر خودکشی کر لی ہے،
باغی ٹی وی کی رپورٹ کے مطابق مقبوضہ جموں کے علاقے میں انڈو تبتین بارڈر پولیس کے اے ایس آئی جسونت سنگھ نے ڈیوٹی کے دوران اپنی ہی سرکاری رائفل سے خود کو گولی مار کر زندگی کا خاتمہ کر لیا، مذکورہ اہلکار جسونت سنگھ کی گردن میں گولی لاش جموں میں انڈو تبتین بارڈر پولیس کمپلیکس سے ملی، اے ایس آئی کو ہماچل کے ہسپتال منتقل کیا گیا تاہم وہ پہلے ہی دم توڑ گیا،
مقبوضہ کشمیر،کشمیری سڑکوں پر،عمران خان زندہ باد کے نعرے، کہا اللہ کے بعدعمران خان پر بھروسہ
میڈیا رپورٹس میں بتایا گیا ہے کہ آئی ٹی بی پی اہلکار کی خود کشی کی وجہ کا تعین نہیں ہوسکا، مقامی پولیس ترجمان کا کہنا ہے کہ ضروری کارروائی کے بعد لاش لواحقین کے حوالے کردی گئی ہے، واقعہ واضح طور پر خودکشی کا لگتا ہے تاہم تحقیقات کے لیے ایک انکوائری کمیٹی تشکیل دے دی گئی ہے، واضح رہے کہ اس سے قبل بھی کشمیر میں آئے دن ہندوستانی فوجی اہلکار خودکشی کرتے رہتے ہیں اور اس نوعیت کے واقعات بہت زیادہ بڑھ چکے ہیں جبکہ بھارتی فوج انہیں کنڑول کرنے میںمکمل طور پر ناکام ہے،