عافیہ صدیقی کی رہائی سے متعلق کیس کی سماعت ملتوی

0
65
عدالت نے ریمارکس دیتے ہوئے کہا کہ وفاقی حکومت چاہتی ہے کہ یہاں کوئی پراسیکیوشن برانچ نہ ہو تو کیا کہہ سکتے ہیں

باغی ٹی وی کی رپورٹ کے مطابق اسلام آباد ہائیکورٹ میں امریکی جیل میں قید پاکستانی ڈاکٹر عافیہ صدیقی کی رہائی سے متعلق کیس کی سماعت ہوئی،

جسٹس سردار اعجاز اسحاق خان نے کیس کی سماعت کی،درخواست گزار کی جانب سے حافظ یاسر عرفات اور وزارت خارجہ کے حکام عدالت میں پیش ہوئے عدالتی حکم پر امریکہ کے ساتھ کی گئی خط و کتابت کا ریکارڈ اسلام آباد ہائیکورٹ میں پیش کیا گیا،عدالت نے دفتر خارجہ کے حکام سے مکالمہ کرتے ہوئے کہا کہ آپ نے دوبارہ وہی پراسس شروع کر دیا جو پہلے کر چکے ہیں ،درخواست گزار کے وکیل حافظ یاسر عرفات نے عدالت میں کہا کہ دفتر خارجہ نے جو رپورٹ جمع کرائی ہے اس کی کاپی فراہم کی جائے تا کہ میں اس کو دیکھ لوں

جسٹس سردار اعجاز اسحاق خان نے ریمارکس دیتے ہوئے کہا کہ امریکہ کے ساتھ جو خط و کتابت ہوئی ہے وہ دکھائیں ایک ماہ کے بعد دوسری رپورٹ آئی ہے جو غیر تسلی بخش ہے ،اسلام آباد ہائیکورٹ نے دفتر خارجہ کی پیش کردہ خط و کتابت پر عدم اطمینان کا اظہارکرتے ہوئے آئندہ سماعت پر تمام خط و کتابت کا ریکارڈ پیش کرنے کا حکم دے دیا، عدالت نے کیس کی سماعت 7 دسمبر تک ملتوی کردی

عافیہ صدیقی کی رہائی کیلئے کراچی میں احتجاج

اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی

 یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا

ڈاکٹر عافیہ صدیقی سے ملاقات کروائی جائے، اہلخانہ عدالت پہنچ گئے

نئی حکومت ڈاکٹرعافیہ صدیقی کو رہا کرائے،مولانا عبدالاکبر چترالی کا مطالبہ

Leave a reply