اچھا ہوتا وزیراعظم اپنی تقریر میں ڈاکٹر عافیہ کا ذکر کرتے:حافظ سعد رضوی

لاہور:اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی ،اطلاعات کے مطابق تحریک لبیک کے سربراہ سعد رضوی نے کہا ہے کہ اچھا ہوتا اگروزیراعظم عمران خان او آئی سی کے فورم پرڈاکٹرعافیہ کا بھی ذکرکردیتے ،

ذرائع کے مطابق اس موقع پر سعد رضوی کا کہنا تھا کہ عالمی برداری طالبان کا موقف سنے اور اور حقیقت تسلیم کرے۔

امیر تحریک لبیک پاکستان نے او آئی سی کے اجلاس پر بیان دیتے ہوئے کہا کہ پاکستان کی میزبانی میں او آئی سی کا اجلاس خوش آئند اور مثبت اقدام ہے۔

سعد رضوی نے کہا کہ افغانستان کی صورتحال انتہائی نازک اور مسائل سے دوچار ہے، افغانستان کی صورتحال پر انسانی ہمدردی کے اقدامات قابل ستائش ہیں۔وہاں افغان بیمار ہورہے ہیں ، ان کے پاس ادوایات نہیں ، کھانے کے لیے خوراک نہیں ، عالمی برادری کو ان حالات میں افغان قوم کو تنہا نہیں چھوڑنا چاہیے

او آئی سی کے اجلاس پر امیر تحریک لبیک پاکستان علامہ سعد حسین رضوی کا بیان آگیا pic.twitter.com/KUVlFT17M2

— Ahsan chudhary ● (@Ahsanchaudhrey) December 19, 2021

ان کا کہنا تھا کہ دنیا افغانستان کے لیے بہترین اقدامات کرے، عالمی برداری طالبان کا موقف سنے اور اور حقیقت تسلیم کرے۔

انہوں نے کہا کہ عالمی برداری انسانی حقوق کا احترام کرتے ہوئے افغانستان کے منجمد اثاثے فوری طور پر بحال کروانے میں اپنا کردار ادا کرے۔

سعد حسین رضوی نے مزید کہا کہ اسلامی دنیا نے صحیح طرح سے مغرب کی جانب سے ابھرنے والے اسلام فوبیا تاثر کو ختم کرنے میں حقیقی بنیادوں پر کام کیا ہوتا تو آج یہ نوبت نہ آتی۔