عثمان ڈار کے بھائی عامر ڈار نے بھی پی ٹی آئی چھوڑ دی
![Aamir Dar](https://baaghitv.com/wp-content/uploads/2023/06/Screenshot-2023-06-01-at-18-36-02-عثمان-ڈار-کے-بھائی-عامر-ڈار-نے-بھی-پارٹی-چھوڑ-دی-Twitter-Search-_-Twitter.png)
عثمان ڈار کے بھائی عامر ڈار نے بھی پی ٹی آئی چھوڑ دی
پاکستان تحریک انصاف کے رہنما عثمان ڈار کے بڑے بھائی عامر ڈار نے سیاست اور پی ٹی آئی چھوڑنے کا اعلان کردیا ہے جبکہ عامر ڈار نے پریس کانفرنس کرتے ہوئے کہا کہ 9 مئی کے واقعات کی بھرپور مذمت کرتا ہوں، سیاست کی وجہ سے کاروباری نقصان ہوا، میں سیاست کو آج سے چھوڑ رہا ہوں۔ انہوں نے مزید کہا کہ یہ میرا ذاتی فیصلہ ہے، عثمان ڈار اور عمر ڈار کا اپنا فیصلہ ہوگا، میرا کسی ادارے سے کوئی جھگڑا نہیں۔
پی ٹی آئی کے رہنما عثمان ڈار کے بھائی عامر ڈار نے بھی پارٹی چھوڑ دی۔ سنیے ان کا کیا کہنا تھا۔👇 pic.twitter.com/OcISf8QJNg
— waqar satti 🇵🇰 (@waqarsatti) June 1, 2023
دوسری جانب پی ٹی آئی کے مرکزی سینئر نائب صدر سردار امیربخش بھٹو اور اللہ بخش انہڑ نے بھی تحریک انصاف چھوڑنے کا اعلان کردیا، امیر بخش بھٹو کا کہنا ہے کہ موجودہ صورتحال میں تحریک انصاف کے ساتھ نہیں چل سکتے، پی ٹی آئی کے تینوں مرکزی عہدوں اور بنیادی رکنیت سے مستعفی ہورہا ہوں۔ انہوں نے کہا کہ 9 مئی کا واقعہ ناقابل برداشت ہے، یہ صرف فوج پر حملہ نہیں بلکہ پاکستان پر حملہ ہے ، فوجی اداروں اور کور کمانڈر کے گھروں پر حملہ جلاؤ گھیراؤ توڑ پھوڑ کی سیاست یہ سیاست نہیں بلکہ دہشت گردی ہے، بس دعا کی جاسکتی ہے کہ اللہ تعالیٰ ملک اور عوام کا بھلا کرے۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
امیر بخش بھٹو نے مزید کہا کہ اگر سچ پوچھیں تو اب سیاست کرنے کا دل نہیں کرتا، ہماری تربیت اور تعلیم اس سیاسی ماحول سے مختلف ہے، میں وضاحت کرنا چاہتا ہوں کہ آج جو پریس کانفرنس ہو رہی ہے وہ ایک ڈیڈھ سال قبل کرنی چاہیئے تھی، وقت گزر گیا لیکن مسائل کا ازالہ نہیں ہوا۔ ان کا کہنا تھا کہ سندھ نیشنل فرنٹ کو تحریک انصاف میں ضم کیا تھا اس میں ہم نے کوئی سیٹس نہیں مانگی تھیں، میں نے ہمیشہ انہیں سندھ کے دورے کی دعوت دی انہوں نے ہمیشہ کہا کہ آؤں گا لیکن آئے نہیں۔