اب کسی سے دشمنی نہیں ہے اشرف غنی، امراللہ صالح اور حمد اللہ محب سمیت سب کے لیے معافی ہے خلیل الرحمان حقانی

افغان طالبان کے مرکزی رہنما خلیل الرحمان حقانی نے اشرف غنی، امراللہ صالح اور حمد اللہ محب سمیت سب کے لیے عام معافی کا اعلان کیا ہے-

باغی ٹی وی : نجی ٹی وی چینل جیو نیوز سے گفتگو کے دوران طالبان رہنما خلیل الرحمان حقانی کا کہنا تھا کہ امریکا سے دشمنی میں ہم نے پہل نہیں کی تھی اور اب بھی نہیں کر رہے، امریکا نے ہمارے مذہب اور ملک سے زیادتی کی تو مجبور ہو کر بندوق اٹھائی۔

خلیل الرحمان حقانی نے کہا کہ ہماری دشمنی کی وجہ نظام کی تبدیلی تھا اور اب نظام تبدیل ہو چکا ہے، اب کسی سے دشمنی نہیں ہے اشرف غنی، امراللہ صالح اور حمد اللہ محب سمیت سب کے لیے عام معافی ہے-

افغان طالبان کے خلاف بغاوت کا خطرہ ٹل گیا:وادی پنجشیر میں احمد مسعود نے وفاداری کا اعلان کردیا

انہوں نے کہا کہ اشرف غنی، جرنیل اور سابقہ حکومتی عہدیداروں سمیت جو بھی افغانستان آنا چاہے آسکتا ہے، کسی سے بھی انتقام نہیں لیا جائے گا، تاجک، بلوچ، ہزارہ، پشتون اور ہم سب بھائی ہیں۔

خلیل الرحمان حقانی نے یہ بھی کہا کہ افغانستان کا ایک منظم نظام بنے گا جس میں تمام اقوام، ساری تنظیمیں اور اہل تعلیم یافتہ لوگ شامل ہوں گے، قوم کو متحد کرنے والوں کو حکومت میں شامل کیا جائے گا۔

داعش کے حملے کا خطرہ،امریکی شہری کابل ائیرپورٹ کا رخ نہ کریں ، امریکی سفارتخانے کی وارننگ

طالبان رہنما خلیل الرحمان حقانی نے افغانستان چھوڑ کر جانے والوں کو پیغام دیا کہ باہر نہ جائیں، یہیں رہ کر اپنے ملک کی خدمت کریں، دشمن آپ کو ڈراتے ہیں کہ امارات اسلامی آپ کو سزائیں دیں گے، امارات اسلامی کسی سے انتقام نہیں لیتا،اسلام امن کا دین ہے، یہاں سب کو برابر حقوق ملیں گے اور کسی کے ساتھ ناانصافی نہیں ہو گی۔

خلیل الرحمان حقانی کا کہنا تھا کہ تمام ممالک اور مسلمان ملکوں کے لیے پیغام ہے اپنے لوگوں کو حقوق دیں خواہ ان کا تعلق کسی بھی مذہب سے ہو، جن لوگوں کے جو حقوق بنتے ہیں وہ انہیں فراہم کریں۔

آج جدہ میں او آئی سی کا ہنگامی اجلاس طلب

واضح رہے کہ افغانستان کے سابق صدر اشرف غنی کے بھائی حشمت غنی احمد زئی نے افغان طالبان کی حمایت کا اعلان کیا ہے افغان طالبان کی جانب سے حشمت غنی احمد زئی کی طالبان کی حمایت کے اعلان کی ویڈیو جاری کی گئی جس میں طالبان رہنما خلیل الرحمٰن اور دینی عالم مفتی محمود ذاکری اس موقع پر موجود ہیں اور سابق صدر غنی کے بھائی نے اسلامی امارت افغانستان کی مکمل حمایت کی یقین دہانی کرائی-

جبکہ طالبان رہنما خلیل الرحمان حقانی سے ملاقات کے بعد افغانستان کے سابق وزیراعظم اور حزب اسلامی کے رہنما گلبدین حکمت یار نے بھی طالبان حکومت کی حمایت کا اعلان کر دیاہے –

دوسری جانب احمد شاہ مسعود کے بیٹے احمد مسعود نے بھی طالبا ن کی حمایت کا یقین دلایا اس بات کا اعلان بھی طالبان رہنما خلیل الرحمن حقانی نے کابل میں ایک تقریب کے دوران کیا جبکہ اس سے قبل احمد شاہ مسعود کے بیٹے نے طالبان کے خلاف لڑنے کا اعلان کیا تھا۔

سابق صدر اشرف غنی کے بھائی کا طالبان کی حمایت کا اعلان