پاکستان شوبز انڈسٹری کے نامور اور سینئیراداکارعدنان صدیقی نے ملکہ ترنم کا گایا گیا ملی نغمہ ’اے وطن کے سجیلے جوانو‘ بانسری پر بجا کر وطن کے رکھوالوں کو خراج تحسین پیش کیا ہے۔
باغی ٹی وی : سماجی رابطے کی ویب سائٹ انسٹاگرام پر عدنان صدیقی نے ایک ویڈیو شئیر کی جس میں وہ وطن کے محافظوں کو خراج تحسین پیش کر رہے ہیں- 7 تمبر پاک فضائیہ کے دن پرعدنان صدیقی نے بانسری پر ملکہ ترنم کا مقبول ملی نغمہ ’اے وطن کے سجیلے جوانو‘ پیش کرکے ایئر فورس (پاک فضائیہ) کے جوانوں کو خراج تحسین پیش کیا ہے۔
اداکار کے مداحوں کی جانب سے بانسری پر پاک فضائیہ کے نوجوانوں کو خراج تحسین پیش کرنے پر تعریفیں کی جا رہی ہیں-
عدنان صدیقی نے مذکورہ گانا بانسری کے ذریعے بجا کر جہاں وطن پر قربان ہونے والے جوانوں کو خراج تحسین پیش کی ویڈیو شئیر کرتے ہوئے کیپشن میں لکھا کہ آسمانی رنگ کے یونیفارم میں ملبوس ہمارے نوجوان نڈر ، بہادر ، ناقابل تسخیر اور وطن پر قربان ہونے والے ہیں اور وہی ہمارے آسمانوں کے سچے ہیرو ہیں۔
https://www.instagram.com/tv/CE1SQwPH2NB/?igshid=2t9uawafxp7g
عدنان صدیقی نے لکھا کہ ان نوجوانوں کی وطن سے بے لوث محبت اور اس کی حفاظت کے لیے قربان ہونے کا جذبہ ہی ہمیں پیغام دیتا ہے کہ ان کے لیے وطن کے شان و شوکت سے بڑھ کر کچھ بھی نہیں۔
اداکار نے لکھا کہ وہ یوم فضائیہ کے دن پر جوانوں کو ملکہ ترنم کے گانے ’اے وطن کے سجیلے جوانو‘ کے ذریعے انتہائی چھوٹا خراج تحسین پیش کر رہے ہیں اور ساتھ ہی انہوں نے جوانوں کو سلام بھی پیش کیا۔
انہوں نے لکھا میرے شیر دل جوانو یہ صرف آپ کے لئے ہے! ہر چیز کے لیے آپ کا بہت شکریہ-
