Home›پاکستان›پاک فضائیہ نے ”مجاہدین افلاک کو سلام” گرینڈ اسٹیج شو کا پرومو جاری کردیا

پاک فضائیہ نے ”مجاہدین افلاک کو سلام” گرینڈ اسٹیج شو کا پرومو جاری کردیا

ستمبر 6, 2020

پاکستان ایئر فورس(پی اے ایف) نے 1965 اور 1971 کی جنگ کے بہادر جوانوں کو خراج عقیدت پیش کرنے کے لیے ‘ مجاہدینِ افلاک کو سلام’ کے عنوان سے گرینڈ اسٹیج شو کا پرومو جاری کردیا۔

باغی ٹی وی : پاکستان ایئر فورس(پی اے ایف) نے 1965 اور 1971 کی جنگ کے بہادر جوانوں کو خراج عقیدت پیش کرنے کے لیے ‘ مجاہدینِ افلاک کو سلام’ کے عنوان سے گرینڈ اسٹیج شو کا پرومو جاری کردیا۔ یہ شو یومِ فضائیہ پر 7 ستمبر کو شام 7 بجے تمام چینلز پر نشر کیا جائے گا۔

اس پروگرام میں یہ باور کرایا گیا ہے کہ پاکستان کی مسلح افواج خاص طور پر پاک فضائیہ اپنے حدود کی حفاظت بخوبی کرنا جانتی ہے۔

واضح رہے کہ اس قبل آئی ایس پی آر نے چھ ستمبر یوم دفاع اور یوم شہداء کے حوالے سے نغمہ جاری کیا ہے جس میں پاکستان کے شہدا کو خراجِ عقیدت پیش کیا گیا ہے۔

آئی ایس پی آر کا نغمہ ہر گھڑی تیار کامران ہیں ہم سن 80 کی دہائی کے ایک پرانے نغمے کا ری میک ہے اس نغنے کو علی حمزہ، علی عظمت، علی نور اور عاصم اظہر نے گایا ہے۔

یوم دفاع اور یوم شہداء کے حوالے سے تیار کئے گئے 4 منٹ اور 14 سیکنڈ کی ویڈیو کے اس نغمے میں ہماری مسلح افواج کی خدمات اور اس کی عملی تیاریوں کو خراج تحسین پیش کیا ہے- میوزک ویڈیو میں دہشت گردی کے خلاف جنگ میں ایک قوم کی حیثیت سے پاکستان کی قربانیوں اور ہماری مسلح افواج کے جدید فوجی ڈھانچے کے طور پر ارتقاء کو دکھایا گیا ہے جو کہ کسی سے پیچھے نہیں ہے-

دوسری جانب پاکستان نیوی نے 8 ستمبر یوم بحریہ کے موقع پر ریلیز کی جانے والی خصوصی دستاویزی فلم ‘سرخرو’ کا پرومو جاری کر دیا ہے

ترجمان پاک بحریہ کے مطابق 8 ستمبر کو ریلیز ہونے والی یہ ڈاکیو فلم پاک بحریہ کی جانب سے بھارتی آبدوز کو پاکستانی پانیوں میں داخل ہونے سے روکنے کی کامیاب کاروائی پر مبنی ہے۔

اس حوالے سے ترجمان نے بتایا کہ 4 مارچ 2019 کو ہونے والے اس واقعے میں پاکستان بحریہ نے بھارتی بحریہ کے مذموم ارادوں کو خاک میں ملا دیا تھا۔