افغانستان:ننگرہارمیں آج پھردھماکہ کئی قیمتیں جانیں ہارگئیں

ننگرہار:افغانستان:ننگرہارمیں آج پھردھماکہ کئی قیمتیں جانیں ہارگئیں ،اطلاعات کے مطابق افغانستان کے صوبے ننگرہار کے ضلع کاما میں ضلع انتظامی سربراہ کو بم دھماکے سے نشانہ بنایا گیا۔

ننگرہار سےذرائع کے مطابق ابتدائی معلومات کے مطابق پانچ زخمیوں کو ہسپتال منتقل کیا گیا ہے۔یہ بھی معلوم ہوا ہے کہ سیکورٹی فورسز نے علاقے کوگھیر لیا ہے اورتلاشی شروع ہے

دوسری طرف اس علاقے میں ضلعی انتظآمیہ نے دہشتگردی کے واقعات سے بچنے کے لیے نئی پابندیاں‌عائدکردی ہیں جس کے تحت حکام کے علاوہ کوئی بھی شخص اسلحہ لے کرساتھ نہیں چل سکتا

یاد رہےکہ 2 دن پہلے ننگرہار کے شہر جلال آباد میں دھماکے کے نتیجے میں 4 افراد ہلاک ہوگئے جن میں ایک بچہ بھی شامل ہے، مقامی انتظامیہ کا کہنا ہے کہ ہلاک افراد میں 2 طالبان اہلکار بھی شامل ہیں تاہم ابھی تک کسی بھی گروپ کی جانب سے ذمہ داری قبول نہیں کی گئی ہے۔
ذبیح اللہ مجاہد کے نائب بلال کریمی کے مطابق جمعہ کے روز بھی کابل میں طالبان کی گاڑی کو نشانہ بنایا گیا تھا، دھماکہ کے بعد سرچ آپریشن میں داعش کے جنگجوؤں سے جھڑپوں کے نتیجے میں متعدد داعش جنگجو مارے گئے تھے اور کچھ کو گرفتار کرلیا گیا تھا جب کہ کارروائی میں طالبان اہلکار بھی زخمی ہوئے تھے