ن لیگ کے بعد اب پی ڈی ایم بھی ٹوٹنے لگی ، محسن داوڑ نے رسوا کردیا

اسلام آباد :ن لیگ کے بعد اب پی ڈی ایم بھی ٹوٹنے لگی ، محسن داوڑ نے رسوا کردیا ،اطلاعات کے مطابق محسن داوڑ نے حکومت مخالف اپوزیشن کی 11 جماعتوں کے اتحاد پاکستان ڈیموکریٹ موومنٹ (پی ڈی ایم) سے راہیں جدا کر لیں۔

پی ڈی ایم کو دھچکا لگ گیا، رکن قومی اسمبلی محسن داوڑ نے پی ڈی ایم کےجلسوں اور اجلاسوں میں شرکت نہ کرنےکا اعلان کر دیا۔

ٹوئٹر پر جاری بیان میں محسن داوڑ نے لکھا کہ قریبی رفقا اور دوستوں سے مشاورت کے بعد پی ڈی ایم کے جلسے جلوسوں میں شرکت نہ کرنے کافیصلہ کیا ہے۔
محسن داوڑ نے کہا کہ آئندہ پی ڈی ایم کے جلسوں اوراجلاسوں میں شریک نہیں ہوں گا البتہ پی ڈی ایم کے موقف کی حمایت جاری رکھوں گا۔

چند روز قبل پی ڈی ایم کے اجلاس میں مولانا فضل الرحمان اور محسن داوڑ میں فاٹا کے انضمام کے معاملے پر اختلاف سامنے آیا تھا اور دونوں میں نوک جھونک ہوئی تھی۔