اغوا کی وارداتوں میں اضافہ

لاہور میں خواتین اور بچوں کی اغوا کی وارداتیں بڑھ گئیں ہیں جبکہ گزشتہ ہفتے سے تقریبا 9 افراد کو اغوا کر لیا گیا اور پولیس کے مطابق نامعلوم افراد نے شیرا کوٹ سے تین کمسن بہن بھائیوں کو اغوا کیا تھا جن میں 11 سالہ عنبرین، 8 سالہ امداد علی اور 5 سالہ حیدر علی شامل ہیں جبکہ اغوا کی تفصیل بتاتے ہوئے پولیس نے مزید بتایا کہ چوہنگ سے ماں اور اسکے دو بچوں 5 سالہ مزمل اور 2 سالہ مہ جبین کو بھی اغوا کیا گیا۔ ایمن بی بی اور بچے چیچہ وطنی سے لاہور پہنچے تھے۔

تاہم پولیس کے مطابق نامعلوم افراد نے فیصل ٹاؤن سے 13سالہ حمیرا جبکہ ہنجروال میں 12 سالہ اکبرعلی کو اسکول جاتے ہوئے اغوا کرلیا تھا اور کوٹ لکھپت میں 7 سالہ لڑکی صفیہ کو بھی محلے میں کھیلتے ہوئے مبینہ طور پر اغوا کیا گیا تھا جبکہ اس حوالے سے پولیس نے تمام واقعات کے مقدمات تو درج کر لئے لیکن کسی مغوی کو اب تک بازیاب نہ کروایا جا سکا ہے۔

مزید یہ بھی پڑھیں؛
پی ٹی آئی خواتین گروپ کی اہم رہنماؤں نے بھی عمران خان کو خیرباد کہہ دیا
9 مئی ملزماں کے جیل ٹرائل کی منظوری
بنگلادیش کو 382 رنز کا ہدف
ڈالر مزید مہنگا ہوگیا

خیال رہے عوام اس حوالے سے کافی پریشان ہے اور پولیس کی ناکامی پر کافی تنقید کی جارہی ہے کہ انہوں نے ملزمان کو ابھی تک نہیں پکڑا اور پنجاب پولیس کا اتنے بڑے شہر میں مجرمان کیلئے کھلے عام آزادی خطرناک اور تشویش ناک ہے.