تحریک انصاف کے سوشل میڈیا کارکن اور عمران خان کے فوکل پرسن اظہر مشوانی کی بازیابی کے لئے لاہور ہائیکورٹ میں ایک اور درخواست دائر کر دی گئی، جسٹس عالیہ نیلم نے اظہر مشوانی کے بھائی مظہر الحسن کی درخواست پر سماعت کی
لاہور ہائیکورٹ نے پی ٹی آئی کارکن اظہر مشوانی کو بازیاب کرکے پیش کرنے کا حکم دے دیا،عدالت نے پیر کے روز اظہر مشوانی کو عدالت کے روبرو پیش کرنے کا حکم دیا عدالت نے اظہر مشوانی پر درج مقدمات کا ریکارڈ بھی طلب کرلیا
اظہر مشوانی کے بھائی نے اظہر صدیق ایڈووکیٹ کی وساطت سے درخواست دائر کی دائردرخواست میں ایف آئی اے ، آئی جی پنجاب ودیگر کو فریق بنایا گیا ہے درخواست گزار کی جانب سے موقف اختیار کیا گیا ہے کہ 23 مارچ کو اظہر مشوانی کو گھر کے باہر سے اغوا کیا گیا،درخواست میں استدعا کی گئی ہے کہ عدالت پولیس کو اظہر مشوانی کو بازیاب کروا کر عدالت پیش کرنے کا حکم دے
واضح رہے کہ اظہر مشوانی کو غائب ہوئے کئی روز گزر چکے ہیں، کسی بھی ادارے نے اظہر مشوانی کی گرفتاری کی تصدیق نہیں کی، تحریک انصاف اظہر مشوانی کی رہائی کےلئے ٹرینڈ چلا رہی ہے ،تحریک انصاف کے چیئرمین عمران خان کا کہنا تھا کہ اظہر مشوانی کو لاہور سے دوپہر میں اغوا کیا گیا، کہاں رکھا گیا، پتہ نہیں چل رہا ہے، تحریک انصاف نے جمعہ کو اظہر مشوانی کی بازیابی کے لئے ملک گیر احتجاج کی کال بھی دے رکھی ہے،
عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،
عمران خان نے باربار قانون کی خلاف ورزی کی جس پر انہیں جواب دینا ہوگا
چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے
Leave a reply
