ایمن خان نے ڈرامہ سیریل جلن کو یادگار قرار دیا

پاکستان شوبز انڈسٹری کی نامور اداکارہ و ماڈل منال خان نے ڈرامہ سیریل ’جلن‘ کو یادگار قرار دے دیا۔

باغی ٹی وی : نجی ٹی وی چینل کے ڈرامے ’جلن‘ میں منفی کردار ادا کرنے والی اداکارہ منال خان نے ڈرامے کو اپنے لیے یادگار قرار دے دیا۔

اداکارہ نے سماجی رابطے کی ویب سائٹ انسٹاگرام پر ڈرامے کا پوسٹر شیئر کیا اور لکھا کہ ہمیشہ کے لیے یادگار اور ہمیشہ کے لیے شکر گزار۔

اداکارہ نے اپنی پوسٹ میں دل والے ایموجی کا بھی اضافہ کیا-

اداکارہ کی پوسٹ پر ان کی بہن ایمن خان نے بھی ردعمل دیتے ہوئے سراہا اور عمادی عرفانی نے بھی اس ڈرامے کو بلاک بسٹر قرار دیتے ہوئے منال خان کو مبارک دی-

مداحوں کی جانب سے اداکارہ کی پوسٹ کو پسند کیا جارہا ہے سوشل میڈیا صارفین کا کہنا تھا کہ ڈرامے کی کہانی شاندار ہے اور انہیں اس کی اگلی قسط کا بے صبری سے انتظار ہے۔

واضح رہے کہ ڈرامہ سیریل جلن میں منال خان (نشا) نامی لڑکی کا منفی کردار ادا کررہی ہیں، ڈرامے میں عماد عرفانی (اصفی) اور عریبہ حبیب (میشا) کا کردار نبھا رہے ہیں۔

ڈرامے میں نشا اپنی بہن میشا کو دھوکا دے کر اس کے شوہر کو دولت کی خاطر محبت کے جال میں پھنسا کر اس سے شادی کرلی تھی اور میشا یہ صدمہ برداشت نہ کرتے ہوئے اپنی زندگی کا خاتمہ کرلیتی ہے۔

نشا ناصرف اپنی بہن کو دھوکا دیتی ہے بلکہ اپنے ہونے والے شوہر احمر سے بھی منگنی توڑ دیتی ہے احمر میشا کو خبردار کرتا ہے کہ تم ایک دن اپنی بہن کی حقیقت جان کر بہت پچھتاؤ گی اور وہی ہوتا ہے میشا اپنی بہن کی جانب سے دھوکا دینے کی توقع نہیں کرتی اور موت کو گلے لگالیتی ہے۔

جواب چھوڑیں

آپ کا ای میل ایڈریس شائع نہیں کیا جائے گا.