ایئر پورٹس پر خاتون بمبار حملہ کر سکتی ہے، الرٹ جاری

ایئر پورٹس پر خاتون بمبار حملہ کر سکتی ہے، الرٹ جاری

باغی ٹی وی کی رپورٹ کے مطابق پاکستان میں دہشت گردی کا ایک الرٹ جاری کیا گیا ہے جس میں کہا گیا ہے کہ خاتون خود کش بمبار ایئر پورٹس کو نشانہ بنا سکتی ہے

ایئر پورٹ سیکورٹی فورس نے ممکنہ خاتون دہشت گرد کے حوالہ سے پاکستان کے تمام ایئر پورٹس کو الرٹ جاری کیا ہے، الرٹ کے ساتھ ممکنہ طور پر خودکش حملہ کرنے والی خاتون کی دو تصاویر بھی دی گئی ہیں، نجی ٹی وی جیو نیوزکے مطابق اے ایس ایف کے ڈپٹی ڈائریکٹر آپریشن شاہ میر حسین نے ایک تحریری الرٹ جاری کیا ہے، اس مراسلے کو تمام ایئر پورٹس کو بھجوایا گیا ہے جس میں کہا گیا ہے کہ اٹھائیس، انتیس مئی کی شب انکشاف ہوا کہ زالیا دختر محمد حیات، زوجہ شعیب حسن خود کش حملہ کر سکتی ہے، خاتون کی عمر 22 سال ہے اور بلوچستان کے ضلع کیچ کی رہائشی ہے، مذکورہ خاتون کراچی یونیورسٹی کے بم دھماکے میں ملوث شاری بلوچ سے متاثر ہے اس کا تعلق بھی کالعدم تنظیم سے ہے

واضح رہے کہ کراچی یونیورسٹی میں ہونے والا خود کش حملہ ایک خاتون دہشت گرد نے کیا تھا ،اس واقعہ کے بعد بلوچستان سے ایک خاتون دہشت گرد کو گرفتار بھی کیا گیا ہے، اب اے ایس ایف کی جانب سے سیکورٹی الرٹ جاری ہونے کے بعد تمام ایئر پورٹس کی سیکورٹی مزید سخت کر دی گئی ہے،اضافی نفری تعینات کر دی گئی ہے اور آنے جانے والے تمام افراد پر کڑی نظر رکھی جا رہی ہے،

دعا زہرہ نے نکاح کے بعد والد کے خلاف استغاثہ دائر کردیا۔

دعا زہرا کے نکاح نامے پر لکھے پتے پر کون مقیم ؟دعا گھر سے کیسے نکلی تھی

نکاح نامے پر غلط پتہ،پولیس پھر دعا زہرہ تک کیسے پہنچی؟

کراچی سے بھاگ کر شادی کرنیوالی دعا زہرا کو عدالت نے بھی بڑا حکم دے دیا