ایشوریا نے مجھے وہ اعتماد دیا جو شادی سے پہلے مجھ میں نہیں تھا ابھیشیک بچن

بالی وڈ اداکار ابھیشیک بچن سے ایک انٹرویو میں پوچھا گیا کہ انہوں نے اپنی اہلیہ ایشوریا رائے سے ابھی تک کیا سیکھا ہے؟ ، اس کا جواب دیتے ہوئے جونیئر بچن نے انکشاف کیا کہ ایش نے وہ اعتماد دیا ہے جو انہیں شادی سے پہلے کبھی نہیں تھا۔ انہوں نے کہا ایشوریا رائے نے مجھے ایک ایسا اعتماد دیا ہے جو مجھ میں پہلے کبھی نہیں تھا۔ مجھے گھر میں کئی برسوں تک بچے کی طرح ٹریٹ کیا جاتا رہا میری بہن کی کافی برس پہلے شادی ہو گئی تھی وہ میری بہت کئیر کرتی تھی، مجھ پر کسی قسم کی ذمہ داری نہیں تھی مجھے پتہ بھی نہیں تھا کہ ذمہ داری کیا ہوتی ہے.لیکن شادی کے بعد میں نے اپنی ذمہ داریوں کو محسوس کیا مجھے لگا کہ مجھے اپنی بیوی کی ذمہ داری اٹھانی چاہیے ان کی حفاظت اور کئیر کرنی چاہیے. ابھیشیک بچن نے مزید کہا کہ ایشوریا رائے مجھے سکھایا کہ چیزوں کو نارمل اور حقیقی کیسے رکھنا ہے. یقینا میرے والدین نے

بھی مجھے یہ چیزیں سکھائیں لیکن ایشوریا رائے کو بھی اسکا کریڈٹ جاتاہے.ابھیشیک بچن نے مزید کہا کہ میں نے ایشوریا رائے کے ساتھ کچھ فلموں میں کام کیا ہے اور مزید میں کام کرنے کی خواہش رکھتا ہوں، لیکن اسکے لئے صحیح وقت اور صحیح سکرپٹ کا ہونا بہت ضروری ہے جب تک ایسا نہیں ہو گا ہم ایکساتھ کام نہیں کر سکیں گے. یاد رہے کہ ایشوریا رائے منی رتنم کی Ponniyin Selvan: I کے ساتھ سلور اسکرین پر واپس آنے والی ہیں فلم 30 ستمبر کو سینما گھروں میں ریلیز ہونے والی ہے۔ یہ کالکی کرشنامورتی کی 1955 میں بننے والی دو سنیماٹک حصوں میں سے پہلی ہے۔