انتظامی اجلاسوں میں نواز شریف کی شرکت،عدالت درخواست گزار پر برہم

سابق وزیراعظم نواز شریف کی جانب سے انتظامی اجلاسوں میں شرکت کے خلاف لاہور ہائیکورٹ میں درخواست پر سماعت ہوئی

لاہور ہائیکورٹ کے جسٹس مزمل اختر نے درخواست پر سماعت کی ، دوران سماعت عدالت نے استفسار کیا کہ کیا نوازشریف اپنے نام سے ہدایات دے رہے ہیں؟ کیا نوازشریف اپنے دستخط سے احکامات جاری کر رہے ہیں ؟ عدالت کے سوالات سن کر وکیل درخواستگزار تذبذب کا شکار ہو گئے جس پر عدالت نے کہا کہ وکیل صاحب عدالتی سوالات کے جوابات دیں ، درخواست گزار وکیل ندیم سرور نے عدالت میں کہا کہ انہوں نے پریس ریلیز میں لکھا کہ الیکٹرک بائیکس دی جائیں ، زیر زمین ٹرین چلانے کے حوالے سے میٹنگ کی جائیں ،

عدالت نے استفسار کیا کہ بتائیں اس میٹنگ میں کابینہ کا ذکر کہاں ہے ؟وکیل ندیم سرور نے نواز شریف کی میٹنگ کی تصویر عدالت میں پیش کر دی جس پر عدالت نے ریمارکس دیتے ہوئے کہا کہ آپ پھر بے بنیاد قانونی جواز کا سہارا لے رہے ہیں، اس تصویر کے پیچھے تو اور بھی لوگ موجود ہیں ، آپ نے آرٹیکل 129 کا حوالہ دیا ، اس میں کیسے پتہ چل رہاہے کہ کابینہ میٹنگ ہے کیا آپ کسی سرکاری کاغذ سے ثابت کر سکتے ہیں کہ کابینہ اجلاس تھا ؟ وکیل درخواستگزار نے کہا کہ یہ تصاویر حکومت پنجاب کی ویب سائٹ سے لی ہیں سرکاری وکیل نے ندیم سرور کی درخواست کی مخالف کی

عدالت نے درخواست پر برہمی کا اظہار کرتے ہوئے وکیل درخواست گزار ندیم سرور کو آئندہ سماعت پر تیاری کے ساتھ پیش ہونے کی ہدایت کر دی

درخواستگزار کی جانب سے موقف اختیار کیا گیا تھا کہ نواز شریف وزیر ہیں اور نہ وزیراعلیٰ، نواز شریف کے پاس کوئی انتظامی عہدہ نہیں،نوازشریف انتظامی سطح پر کسی اجلاس کی صدارت نہیں کر سکتے

میرے قتل کی سپاری دی گئی ،شواہد موجود ہیں،شیر افضل مروت کا مریم نواز پر سنگین الزام

مجھے اپنی جماعت میں جگہ بنانے کیلئے بارہ برس بہت زیادہ محنت کرنا پڑی،مریم نواز

پاکستانیوں کو خادم مل گیا،وزیر اعلیٰ پنجاب مریم نواز شریف

پیس پلازہ میں آتشزدگی،وزیراعلیٰ پنجاب مریم نواز کا نوٹس

وزیر اعلی مریم نواز کا پہلادورہ راولپنڈی،رنگ روڈکی سڑک دسمبر تک مکمل کرنے کا حکم

مریم نواز نے سرکاری اسپتالوں کی ایمرجنسی میں مفت ادویات کی فراہمی کا پلان طلب کرلیا

مریم نواز سنی اتحاد کونسل کے رانا آفتاب کے پاس خود چل کر گئیں