امریکا : اجنبی نے خاتون کی سمندر میں کھوئی انگوٹھی ڈھونڈ نکالی-
باغی ٹی وی : غیر ملکی میڈیا کےمطابق سمندر میں گِر جانے والی خاتون نے انگوٹھی سمندر میں گرنے والی انگوٹھی کو ڈھونڈنے کیلئے سوشل میڈیا پر مدد کی اپیل کی تھی-
29 سالہ خاتون فرانسِسکا ٹِیل کا کہنا تھا کہ رواں ماہ وہ نیو ہیمپشائر کے ایک قصبے ہیمپٹن میں نارتھ بیچ پر اپنے شوہر کے ساتھ تھیں جب فٹبال اچھالتے وقت ان کی انگلی سے شادی کی انگوٹھی پھسل کر سمندر میں کھو گئی یہ انگوٹھی ان کی پڑ دادی کی تھی گھنٹوں تک تلاش کرنے کے بعد بھی پانی میں انگوٹھی نہیں مل سکی۔
فرانسِسکا ٹیل نے اپنے مسئلے کے متعلق فیس بک پر پوسٹ ڈالی ان کی پوسٹ ہزاروں بار شیئر کیے جانے کے بعد لو آسکی کی نظر اس پوسٹ پرپڑی جس پرامریکی ریاست وِنسکوائن کے شہر مارش فیلڈ کے رہائشی لو آسکی نے اپنا غوطہ خوری کا لباس پہنا اور انگوٹھی کی تلاش کے لیے سمندر میں اتر گئے شروع کے دو دن ان کی تلاش بے کار گئی۔
شہزادہ ولیم اور کیٹ مڈلٹن کا خاندان کو لندن سے منتقل کرنے کا فیصلہ
لو آسکی کا کہنا تھا کہ وہ ناکامی کو پسند نہیں کرتے وہ واپس جا کر ایک بار اور کوشش کرنا چاہتے تھےیہی وہ موقع تھا جب ان کو سمندر کی تہہ میں انگوٹھی ملی انہوں نے فرانسِسکا ٹِیل کو ایک تصویر بھیجی اور لکھا کہ براہ کرام مجھے بتائیے کہ یہی وہ انگوٹھی ہے تاکہ میں سمندر سے باہر نکل سکوں۔
فرانسِسکا نے خوشی کا اظہار کرتے ہوئے جواب دیا کہ ہاں یہ وہی انگوٹھی ہے لو آسکی نے فرانسِسکا کے گھر جا کر انگوٹھی ان کے حوالے کی جس پر فرانسسکا نے لوآسکی کا شکریہ ادا کیا-