وزیر مملکت علی محمد خان شعیب اختر سے ملنے گھر پہنچ گئے

سابق فاسٹ باؤلر شعیب اختر کے ساتھ سرکاری ٹی وی پر غیر اخلاقی سلوک پر جہاں پوری قوم نے بھر پور مذمت کی ہے وہیں معروف شخصیات، کرکٹ ، شوبز اسٹار اور وفاقی وزراءبھی اس پر ناراضگی کا اظہار کر رہے ہیں-

باغی ٹی وی : اتوار کے روز پی ٹی وی سپورٹس پر نیوزی لینڈ کے خلاف جیت کے بعد پروگرام جاری تھا جس کے پینل میں سر ویون رچرڈ، ڈیوڈ گاور ، عاقب جاوید، عمر گل، راشد لطیف ، اظہر محمود، ثناءمیر، شعیب اختر شامل تھے ان تمام سٹارز کی موجودگی میں شعیب نے میچ میں شاندار کارکردگی دکھانے والے حارث روؤف کا ذکر کرتے ہوئے لاہور قلندرز کی تعریف کی اور کہا کہ یہ نوجوان باؤلر لاہور قلندرز کے پلیئر ڈیویلپمنٹ پروگرام کی پیدوار ہے ۔

پاکستانی کھلاڑیوں میں اللہ اوراس کےرسولﷺ. کی محبت کوٹ کوٹ کربھری ہوئی ہے:غیرمسلم…

پروگرام کے میزبان نعمان نیاز پہلے تو یہ کہہ کر حارث کا ذکر گول کرنے لگے کہ شاہین آفریدی انڈر 19 سے آیا ہے لیکن بعد میں انہوں نے ناشائستہ انداز اپناتے ہوئے شعیب کو لائیو شو سے جانے کا کہہ دیا اور سوری بھی نہیں کی جس پر شعیب اختر نے شائستہ انداز اپناتے ہوئے شو شے مستعفیٰ ہونے کا اعلان کیا اور شو چھوڑ کر چلے گئے-

بعدازاں شعیب اختر نے کہاکہ سرکاری ٹی وی پر میزبان کا یہ رویہ ناقابل برداشت تھا، دنیا بھر کے لیجنڈ ز کے سامنے یوں شو سے جانے کا کہناتوہین آمیز تھا ۔

سرکاری ٹی وی کےمیزبان کا لائیو شو میں نامناسب رویہ، شعیب اختر نے مستعفیٰ ہونے کا…

پی ٹی وی پر واقعے کے بعد سوشل میڈیا پر جہاں صارفین نے مذمت کی وہیں معروف شخصیات سمیت وفاقی وزراء نے بھی ناراضگی کا اظہار کیا جبکہ وفاقی وزیر مملکت علی محمد خان تو باقاعدہ قومی ہیرو کے گھر ان سے ملنے پہنچ گئے اور ملاقات کے دوران کھلاڑی کے ساتھ نیشنل ٹی وی پر کئے جانے والے نارو ا سلوک پر مذمت کی ۔

We ALL STAND❤️with our National🇵🇰HERO

عزت اورذلت اللّٰہ کےقبضہ قدرت میں ہے!@shoaib100mph بھائ آپ نےدیکھا؟
کیسےساراپاکستان کھڑا ہواآپ کےساتھ
ایسی ہے ہماری قوم!
اپنے اصل ہیروزکوپہچانتی بھی ہےاور
ان کی قدر بھی کرنا جانتی ہےاور
امتحان کے وقت ان کے ساتھ کھڑا ہونابھی جانتی ہے! pic.twitter.com/IZDWgdiJh1

— Ali Muhammad Khan (@Ali_MuhammadPTI) October 28, 2021

وزیر مملکت علی محمد خان دیگر ساتھیوں کے ہمراہ شعیب اختر کی رہائش گاہ پہنچے جس کی ویڈیو انہوں نے سوشل میڈیا پر شیئر کی ہے ، اس دوران وزیر مملکت کا کہناتھا کہ شعیب ہمارے قومی ہیرو ہیں ، اور انہوں نے ہمیشہ پاکستان کا جھنڈا سر بلند اور ہم پاکستانیوں کے سر فخر سے بلند کیئے ہیں ۔وزیر مملکت نے یہ بھی کہا کہ قومی ہیرو کے وقار پر کوئی سمجھوتہ نہیں کریں گے ۔

انہوں نے ٹوئٹر پر شیعب اختر کو مخاطب کرتے ہوئے لکھا کہ عزت اورذلت اللّٰہ کےقبضہ قدرت میں ہے! آپ نےدیکھا؟ کیسےساراپاکستان کھڑا ہواآپ کےساتھ
ایسی ہے ہماری قوم!اپنے اصل ہیروزکوپہچانتی بھی ہےاور ان کی قدر بھی کرنا جانتی ہےاور امتحان کے وقت ان کے ساتھ کھڑا ہونابھی جانتی ہے!