علی ظفر گلوکار بلال مقصود کی صلاحیتوں کے متعرف

پاکستان میوزک انڈسٹری کے نامور بینڈ اسٹرنگز کے کمپوزر و گلوکار بلال مقصود کی تخلیقی صلاحیت سے معروف گلوکار علی ظفر متاثر ہو گئے

باغی ٹی وی :پاکستان میوزک انڈسٹری کے نامور بینڈ اسٹرنگز کے کمپوزر و گلوکار بلال مقصود کی تخلیقی صلاحیت سے معروف گلوکار علی ظفر متاثر ہو گئے پاکستان کے معروف گلوکار و اداکار علی ظفر نے سوشل میڈیا ویب انسٹاگرام پر اپنی ایک ویڈیو شیئر کی جس میں وہ اسٹرنگز بینڈ کے گلوکار بلال مقصود کا گانا ’تھک سا گیا ہوں‘ اپنے انداز میں گاتے نظر آرہے ہیں

انسٹاگرام پر شیئر کی جانے والی ویڈیو میں علی ظفر نے کہا کہ میں نے فیس بُک پر بلال مقصود کا گانا ’تھک سا گیا ہوں‘ سنا جس نے مجھے بہت متاثر کیا اُس کے بعد میں نے بلال مقصود کی اجازت لے کر اس گانے میں اپنی کمپوزیشن کرکے اپنے مداحوں کے لیے کچھ نئے بول تیار کیے ہیں

اداکار و گلوکار نے کہا کہ میں اس نئی کمپوزیشن کے ساتھ یہ گانا آپ کی خدمت میں پیش کررہا ہوں امید ہے کہ آپ سب کو پسند آئے گا
https://www.instagram.com/tv/B_7EYKal-2d/?igshid=a8zt6lrn0uap
گلوکار نے اپنے انداز میں گانا کچھ اس طرح گایا:

جیتا نہیں پر
ہارا نہیں ہوں
بس
تھوڑا تھک سا گیا ہوں
ٹوٹا ہوا ہوں
بھکرا نہیں ہوں
بس
تھوڑا تھک سا گیا ہوں
کل تک میں یوں جی رہا تھا
جیسے کوئی کل ہی نہیں
غم سارے یوں میں پی رہا تھا
جیسے کوئی حل ہی نہیں
خاموش ہوں میں
بھولا نہیں ہوں
بس
تھوڑا تھک سا گیا ہوں
مدہوش ہوں میں
کھویا نہیں ہوں
بس
تھوڑا تھک سا گیا ہوں

واضح رہے کہ دو روز قبل بلال مقصود نے اپنے مداحوں کے لیے گانا ’تھوڑا تھک سا گیا ہوں‘ گایا تھا اور اُس کی ویڈیو سوشل میڈیا پر بھی شیئر کی تھی
https://www.instagram.com/tv/B_2mOCaJVXf/?igshid=1ky20o4z5rf3m

کوووڈ 19: فنڈریزنگ کے لئے پاکستانی گلوکاروں کا آن لائن پروگرام

رمضان المبارک :علی ظفر کی آواز میں حمد سوشل میڈیا پر وائرل