علی ظفر نے ماضی کی یادیں تازہ کر دیں

پاکستان کے عالمی شہرت یافتہ گلوکار و اداکار علی ظفر نے اپنی زندگی کی کچھ یادگار تصاویر سوشل میڈیا پر شئیر کر دیں جنھیں مداحوں کی جانب سے کافی پسند کیا جا رہا ہے-

باغی ٹی وی : چھنو گانے سے شہرت کی بلندیوں کو چھونے والے گلوکار نے سماجی رابطے کی ویب سائٹ انسٹاگرام پر اپنی کچھ یادگار تصاویر پوسٹ کیں جو گلوکار کے بچپن کے دنوں سے لیکرحالیہ دنوں کی ہیں۔

علی ظفر کی جانب سے پوسٹ کی جانے والی تصاویر میں اُن کے بچپن، اسکول، کالج اور گلوکاری کی دُنیا میں قدم رکھنے کے خاص لمحات کو بخوبی انداز میں دکھایا گیا ہے۔

انسٹاگرام پر تصاویر پوسٹ کرتے ہوئے علی ظفر نے لکھا کہ وقت کے ذریعے زندگی کا ایک سفر۔

گلوکار نے اپنی پوسٹ کے کیپشن میں مزاحیہ انداز میں لکھا کہ آپ کے بھائی کو بچپن سے ہی پوز مارنے کا شوق تھا۔

اداکار و گلوکار نے انسٹاگرام سٹوری میں بھی اپنی زندگی کے سفر پر مشتمل چند تصاویر شئیر کیں-

پہلی تصویر علی ظفر کے بچپن کی ہے جس میں وہ کسی باغ میں بیٹھے نظر آرہے ہیں۔ تصویر کے ساتھ انہوں نے یہ بھی لکھا کہ شاید میں اُس وقت تین سال کا تھا اور یہ تصویر میرے والد صاحب نے کھینچی تھی۔

دوسری تصویر میں علی ظفر روایتی چائنیز سوٹ زیب تن کیے ہوئے ہیں جس سے متعلق انہوں نے بتایا کہ میں فینسی ڈریس کے مقابلے میں چائنیز سوٹ پہنا ہوا ہوں کیوں کہ انہیں لگتا تھا کہ میں چائنیز لوگوں سے مشابہت رکھتا ہوں-

ایک یادگار تصویر میں علی ظفر لاہور کے نجی ہوٹل میں ایک خاتون کی مصوری کرتے نظر آرہے ہیں۔ تصویر پر انہوں نے اپنے ماضی کو یاد کرتے ہوئے لکھا کہ میں اپنا میوزک اور ویڈیو البم بنانے کا خواب پورا کرنے کے لیے کالج کے بعد ایک ہوٹل میں دیر رات تک مصوری کرکے پیسے جمع کرتا تھا۔

ایک تصویر میں علی ظفر مقابلہ مصوری میں ٹرافی جیتنے کے بعد ٹرافی کے ساتھ بیٹھے نظر آرہے ہیں۔

ایک تصویر کے ساتھ گلوکار نے موزک بینڈ کی تصویر شیئر کرتے ہوئے بتایا کہ یہ ہمارے پروزیک بینڈ کے پہلے فوٹو شوٹ کی تصویر ہے۔ کیوں کہ ہم لوگ راک اسٹار بننا چاہتے تھے اور اس وجہ سے ہم دن رات پریکٹس کرتے رہتے تھے۔

ایک تصویر میں علی ظفر نے بتایا کہ یہ میرے سب سے پہلے فوٹو شوٹ کی تصویر ہے

علی ظفر نے اپنی اہلیہ کے ساتھ پرانی تصویر بھی شیئر کی جس کے بارے میں انہوں نے کچھ یوں بیان کیا کہ یہ تصویر 2001ء میں لی گئی لندن کے ہائیڈ پارک کی ہے کیوں کہ مجھے اسکول کی جانب سے اسکاٹ لینڈ میں ایک پروجیکٹ کے لیے منتخب کیا گیا تھا لیکن میں وہاں جانے سے قبل لندن دیکھنے کے لیے رک گیا اور اپنی اہلیہ کے ہمراہ وقت گزارا۔

علی ظفر شیئر کردہ تصویر میں بالی ووڈ باربی ڈول کترینہ کیف کے ساتھ مسکراتے ہوئے دکھائی دے رہے ہیں۔ جس پر انہوں نے یہ لکھا کہ یہ تصویر فلم ’میرے برادر کی دلہن‘ کی شوٹنگ کے دوران کی ہے جہاں میری سالگرہ منعقد کی گئی تھی۔

علی ظفر کی زندگی کے سفر کے مختلف پہلوؤں کو دیکھ کر اُن کے مداح ناصرف خوش ہوئے بلکہ پوسٹ پر تبصرے بھی کیے۔

ایک مداح نے لکھا کہ ابھی تک کا شاندار سفر ایک مداح نے کہا کہ واہ! بھائی کے پوز تو بچپن سے ہی کمال ہیں-ایک مداح نے علی ظفر کو پوز کا بادشاہ قرار دیتے ہوئے لکھا کہ بھائی ایسے ہی شغل میلہ لگا کر رکھو، قسم سے آپ تو پوز کے بادشاہ ہیں۔ایک اور مداح نے لکھا کہ تصاویر دیکھ کر تو ایسا لگتا ہے کہ آپ بچپن سے کیوٹ بھی ہو۔

فہد مصطفیٰ کی سوشل میڈیا پر وائرل تصویر پر صارفین کے تبصرے

احمد گوڈیل کی صنم بلوچ کے گھر دعوت کی تصاویر وائرل