تمام کشمیری دہشتگرد ہیں، صدر آزاد جموں و کشمیر سردار مسعود خان کا بڑا بیان

مظفرآباد:تمام کشمیری دہشتگرد ہیں، صدر آزاد جموں و کشمیر سردار مسعود خان کا بڑا بیان،اطلاعات کے مطابو صدر آزاد جموں و کشمیر سردار مسعود خان نے کہا ہے کہ بھارت اگرکشمیریوں کو اپنا حق خود ارادیت مانگنے پردہشت گرد کہتا ہے تو سوبارکہے ہم اپنا حق لینے سے کبھی بھی پیچھے نہیں ہٹیں‌گے ،

باغی ٹی وی کے مطابق 7 نیوز سے بات کرتے ہوئے سردار مسعود احمد خان نے کہا کہ بھارت ایسے الزامات سے کبھی بھی کشمیریوں‌کو جدوجہد سے نہیں‌روک سکتا ، انہوں نے کہا کہ لائن آف کنٹرول پر کشیدگی میں بے پناہ اضافہ کر دیا ہے‘ گزشتہ ماہ بھارت نے 40 سے زاید نوجوانوں کو جعلی مقابلوں میں شہید کر دیا ہے۔

صدر سردار مسعود خان نے اپنے ایک بیان میں کہا کہ یہ سب ماورائے عدالت قتل ہیں اور انسانیت کے خلاف جرائم ہیں۔ انہوں نے کہا کہ بھارتی افواج لائن آف کنٹرول پر مسلسل سیز فائر کی خلاف ورزیاں کر رہی ہیں اور اب ان کے انٹیلی جنس حکام ایک جھوٹے فلیگ آپریشن کی تیاری کر رہے ہیں اور پراکسی وار کے ذریعے پاکستان کے مختلف علاقوں کو نشانہ بنانے کے جنگی کھیل کی منصوبہ بندی کر رہے ہیں۔

صدر مسعود خان نے کہا کہ اقوام متحدہ کی سلامتی کونسل بالکل خاموش تماشائی بنی بیٹھی ہے‘ ڈومیسائل کے نئے قانون کے اطلاق کے بعد کشمیری اپنے وطن میں بے وطن ہو جائیں گئے اور ان سے استصواب رائے کا حق چھین لیا جائے گا۔