واشنگٹن: امریکہ نے انسانی حقوق کی خلاف ورزی میں ملوث 4 ممالک پر پابندیاں عائد کر دیں۔
باغی ٹی وی :غیر ملکی میڈیا کے مطابق امریکہ نے چین، میانمار، شمالی کوریا اور بنگلادیش پر انسانی حقوق کی پامالیوں سے متعلق پابندیاں عائد کی ہیں یہ پابندیاں ان ممالک کے درجنوں افراد اور ان ممالک سے تعلق رکھنے والے ان اداروں پر عائد کی گئی ہیں جو وسیع پیمانے پر انسانی حقوق کی خلاف ورزی میں ملوث تھےامریکہ نے چین کی ایک مصنوعی انٹیلی جنس کمپنی کو بھی سرمایہ کاری کی بلیک لسٹ میں شامل کر لیا ہے۔
امریکہ، آسٹریلیا، برطانیہ فرانس کے بعد کینیڈا کا بھی بیجنگ اولمپکس کا بائیکاٹ
غیر ملکی میڈیا کے مطابق کینیڈا اور برطانیہ نے بھی میانمار میں انسانی حقوق کی پامالی پر پابندیاں عائد کی ہیں جبکہ امریکی انتظامیہ نے شمالی کوریا پر ایک نئی پابندی عائد کی ہےامریکی انتظامیہ نے انسانی حقوق کے عالمی دن کے موقع پر مذکورہ پابندیاں عائد کیں جن میں میانمار کی فوج کے بھی کچھ اداررے شامل ہیں جو پابندیوں کی زد میں آئے ہیں۔
امریکی حکام کا کہنا ہے کہ دنیا بھر میں جمہوری طاقتیں ان لوگوں کے خلاف بھرپور کارروائی کریں گی جو ریاست کی رٹ کو پامال کریں گے۔ امریکہ انسانی حقوق کی سنگین پامالیوں میں ملوث افراد کو قابل احتساب بنانے کے لیے اپنے تمام طریقے استعمال کر رہا ہے۔
برطانیہ اور کینیڈا نے بھی ونٹر اولپمکس 2022 کا اعلان کر دیا
واضح رہے کہ امریکہ، آسٹریلیا، برطانیہ فرانس اور کینیڈانے بیجنگ اولمپکس کا بائیکاٹ کیا ہے بیجنگ میں ہونے والے اولپمکس گیمز میں پہلے امریکہ نے بائیکاٹ کا اعلان کیا توپھرامریکہ کی اطاعت میں فرانس نے بھی بائییکاٹ کا اعلان کردیا فرانس کی طرف سے اولمپکس گیمز کے بائیکاٹ کے اعلان کوبہت اہمیت دی جارہی ہے –
جبکہ کینیڈا کے وزیراعظم نے کہا ہے کہ ’ہمیں چینی حکومت کی جانب سے انسانی حقوق کی بار بار خلاف ورزیوں پر انتہائی تشویش ہے، ان کا ملک چین میں انسانی حقوق کی خلاف ورزیوں پر بیجنگ میں سرمائی اولمپکس 2022 کے سفارتی بائیکاٹ میں امریکہ، برطانیہ ،فرانس اور آسٹریلیا کا ساتھ دے گا۔
دنیا بھر میں انسانی حقوق کےلئے کام کرنے والی متعدد تنظیمیں ایک عرصے سے چین میں مسلمانوں کےساتھ بدترین انسانی حقوق کی خلاف ورزیوں کے باعث چین میں بین الاقوامی سطح پر ہونے والے کھیلوں کے بائیکاٹ کا مطالبہ کر رہی ہیں۔
