جنرل مارک کا کہنا ہے کہ امریکا نے افغانستان میں شکست باضابطہ طور پر تسلیم کرلی-

باغی ٹی وی : امریکی چیئرمین جوائنٹ چیفس آف اسٹاف جنرل مارک ملی نے امریکی ایوان نمائندگان کی آرمڈ سروسز کمیٹی میں بیان دیتے ہوئے کہا کہ امریکا نے افغانستان میں 20 سال کی جنگ ہاری۔ جنگ ان شرائط پر ختم نہیں ہوئی جو طالبان کے ساتھ امریکا چاہتا تھا۔

جنرل مارک ملی کا کہنا تھا کہ شکست پچھلے 20 دن یا 20 ماہ میں نہیں ہوئی، افغان جنگ اسٹریٹجک ناکامی تھی، پانچ برس پہلے طالبان اور افغان حکومت میں مذاکرات سے حل نکالا جاتا۔

انہوں نے کہا کہ ملا برادر سے 15 اگست کو قطر میں ملاقات کی اور کہا کہ انخلا میں رخنہ نہ ڈالیں، 15 اگست کی ملاقات تک کابل پر طالبان کا قبضہ ہوگیا تھا۔

طالبان کی مدد کرنے والے افراد پر پابندیوں کیلئے متنازعہ بل امریکی سینٹ میں پیش

واضح رہے کہ افغان طالبان کی مدد کرنے والے افراد پر پابندیوں کے حوالے سے متنازعہ بل امریکی سینٹ میں پیش کیا گیا تھا بل کے تحت طالبان کو محفوظ پناہ گاہیں، مالی مدد، انٹیلیجنس معلومات، طبی سہولیات اور رسد فراہم کرنے والوں کا پتا لگایا جائے گا خاص کر وادی پنج شیر پر حملے اور مزاحمت کے خلاف طالبان کی مدد کرنے والوں کا بھی پتا لگایا جائے گا۔

افغانستان انسداد دہشت گردی ، نگرانی اور احتساب ایکٹ کے عنوان سے ، اس بل میں ایک ٹاسک فورس قائم کرنے کی بھی کوشش کی گئی جو امریکی شہریوں ، قانونی مستقل رہائشیوں اور افغانستان سے خصوصی تارکین وطن ویزا ہولڈرز کے مسلسل انخلا پر توجہ مرکوز کرے گی۔

یہ بل جس کا مقصد افغانستان سے انخلاء سے متعلق کئی مسائل سے نمٹنے کے ساتھ ساتھ افغانستان میں دہشت گردی کے خلاف حکمت عملی فراہم کرنا اور طالبان کو دہشت گردی اور انسانی حقوق کی خلاف ورزیوں کی منظوری دینا ہے ، 22 ریپبلکن سینیٹرز نے پیش کیا تھا۔

پاکستان افغانیوں کادوسراگھر:افغانستان کوپاکستان کے مختلف علاقوں سےمنسلک کیاجائےگا:ترجمان طالبان

سربراہ امریکی سینٹرل کمانڈ جنرل میکنزی نے خبردار کیا تھا کہ آنے والے دنوں میں پاکستان کے لیے مشکلات میں اضافہ ہو سکتا ہے افغانستان کی طرف سے پاکستان پر دباؤ بڑھنے کا بھی امکان ہے امریکی فوج افغانستان میں رہنی چاہیے تھی۔

جنرل مینکنزی نے کہا تھا کہ پاکستان سے افغانستان تک رسائی کیلئے اہم فضائی راہداری کے استعمال پر بات چیت جاری ہے، پاکستان کے ساتھ مل کرکام کریں گے پاکستان میں وزیر انسانی حقوق شریں مزاری نے امریکی سینٹ میں پیش کردہ بل کو پاکستان مخالف قرار دے دیا ہے۔

انہوں نے کہا تھا کہ پاکستان کو ایک بار پھر امریکہ کی دہشت گردی کے خلاف جنگ میں اتحادی بننے کی بھاری قیمت چکانی پڑ رہی ہے۔

شاہ محمود قریشی کا امریکہ سے افغانستان کے 9 ارب ڈالر واپس کرنے کا مطالبہ