بھارتی سُپر اسٹارعامر خان کا شمار با لی وڈ کے کامیاب ترین سُپراسٹارز میں ہوتا ہے عامر خان نے بالی وڈ کو متعدد کامیاب فلمیں دی ہیں جو کہ بلاک بسٹر ثابت ہوئیں اور انہوں نے اپنے کرداروں سے لوگوں کو اپنا دیوانہ بنا لیا اور مسٹر پرفیکشنسٹ کے نام سے پُکارے جانے لگے لیک ان کو مسٹر پرفیکشنسٹ تک کا سفر کرنے میں انہیں جن مشکلات کا سامنا کرنا پڑا انہوں نے حال ہی میں اپنے مداھوں کے ساتھ شئیر کیا-
باغی ٹی وی : میڈیا رپورٹس کے مطابق بالی وڈ اداکار عامر خان نے چند روز قبل بھارت کی ایک نجی بینٹ یونیورسٹی کی تقریب میں بطور مہمان خصوصی شرکت کی جہاں انہوں نے طلبا سے بہت سی باتیں شیئر کیں اور ساتھ ہی انہیں اپنے اُس وقت کے بارے میں بھی بتایا جب وہ اپنے کیرئیر کے حوالے سے بہت زیادہ پریشان تھے۔
عامر خان نے بتایا کہ اُن کی فلم ’قیامت سے قیامت تک‘ کے بعد انہوں نے مختلف کہانیوں کی بنیاد پر تقریباً آٹھ یا نو فلمیں سائن کیں اُس وقت تقریباً تمام ڈائریکٹرز ہی نئے تھے۔ عامر خان کی فلموں نے بم باری شروع کردی اور اُنہیں میڈیا کے ذریعے ون فلم ونڈر کہا جانے لگا۔
انہوں نے کہا کہ اس کے باوجود میرا کیریئر ڈوب رہا تھا ایسا لگ رہا تھا جیسے میں کسی جلدی میں ہوں اُس وقت گھر آکر میں بہت زیادہ دکھی تھا اور بہت رویا کرتا تھا۔
عامر خان نے بتایا کہ وہ جن لوگوں کے ساتھ کام کرنا چاہتے تھے وہ اُن میں کوئی دلچسپی نہیں لے رہے تھے۔ اُس وقت عامر خان کو ایسا محسوس ہوا کہ انہوں نے جو فلمیں مکمل کرلی ہیں اور اُس وقت وہ جو فلمیں کررہے ہیں وہ اچھی نہیں ہیں۔ پھر ایسا ہی ہوا کہ اُن کی سائن کردہ فلمیں ایک کے بعد ایک ریلیز اور فلاپ ہونے لگیں۔
عامر خان کا کہنا تھا کہ ان کو ایسا لگا کہ اب وہ ختم ہو رہے ہیں انہوں نے فیصلہ کیا ہے کہ اب بھلے کیریئر ختم ہو جائے لیکن تب تک وہ کسی بھی فلم کو سائن نہیں کریں گے جب تک اُنہیں کوئی بہترین ہدایتکار، عظیم اسکرپٹ اور ایک بہترین پروڈیوسر نہ مل جائے۔
انہوں نے بتایا کہ 44 سال کی عمر میں انہوں نے راجکمار ہیرانی کی فلم ’3 ایڈیٹس‘ میں کالج کےاسٹوڈنٹ کا کردار ادا کیا۔ اداکار نے بتایا کہ جب فلم کے پروڈیوسر نے اُن سے رابطہ کیا اور کہا کہ کالج کے اسٹوڈنٹ کا کردار کرنا ہے تو انہوں نے سوچا کہ وہ کالج کے اسٹوڈنٹ کا کردار کیسے کر پائیں گے۔
بالی وڈ سُپر اسٹار نے کہا کہ راجکمار ہیرانی کو مجھ پر یقین تھا کہ میں اس کردار کے ساتھ انصاف کروں گا اور انہوں نے مجھے اس فلم کے لیے کاسٹ کرلیا تھا۔ جس کے بعد یہ فلم اُن کے کیرئیر کی بلاک بسٹر فلم ثابت ہوئی۔
اس کے بعد جیسے عامر خان کی قسمت ہی بدل گئی اورانہوں نے ایک کے بعد ایک بہترین فلم کی۔ اُن کی بلاک بسٹر فلموں میں گجنی’لگان، قیامت سے قیامت تک، دل، تارے زمین پر، 3 ایڈیٹس، دنگل ، پی کے، رنگ دے بسنتی ‘ سیکریٹ سُپر اسٹاراور دیگر شامل ہیں۔
واضح رہے کہ عامر خان کی نئی آنے والی فلم ’لال سنگھ چڈھا‘ میں اُن کے ساتھ کرینہ کپور خان نظر آئیں گی جس کی شوٹنگ تقریباً مکمل ہو چکی ہے۔
خیال رہے کہ عامر خان کی نئی فلم لال سنگھ چڈھا کی فلم کی شوٹنگ ترکی میں بھی ہوئی شوٹنگ کے لئے ترکی میں قیام کے دوران انہوں نے ترک اول خاتون سے ملاقات کی جس پر انتہا پسند ہندوؤں کی جانب سے عامر خان کو شدید تنقید کا سامنا کرنا پڑا-
بالی وڈ سُپر اسٹار عامر خان کی تُرکی خاتون اول سے ملاقات کی تصاویر وائرل
مودی ملے تو یار، عامر خان ملے تو غدار؟ مبشر لقمان نے مودی سرکار کو کھری کھری سنا…
عامر خان کی ترک خاتون اول کے ساتھ ملاقات پر کنگنا رناوت کی اداکار کے سیکولرازم پر…
