امیتابھ بچن ٹیکنالوجی کمپنی ایمازون الیکسا کی آواز بنیں گے

بھارتی لیجنڈری اداکاراور بالی وڈ شہنشاہ امیتابھ بچن ٹیکنالوجی کمپنی ایمازون کے ورچوئل اسسٹنٹ الیکسا کی آواز بنیں گے-

باغی ٹی وی: بھارتی لیجنڈری اداکاراور بالی وڈ شہنشاہ امیتابھ بچن ٹیکنالوجی کمپنی ایمازون کے ورچوئل اسسٹنٹ الیکسا کی آواز بنیں گے-سماجی رابطے کی ویب سائٹ ٹوئٹر پراپنے ٹوئٹ میں ایمازون نے یہ اعلان کیا۔


ایمازون نے اپنے ٹوئٹ میں کہا کہ اس میں مختلف پیشکش جیسا کہ لطیفے، موسم کا حال، شاعری، اقوال، مشورے اور دیگر چیزیں شامل ہوں گی۔

ایمازون نے انکشاف کیا ہے کہ منفرد سیلیبریٹی آواز کے تجربے کا فیچر بھارت میں اگلے سال فروخت کے لیے دستیاب ہوگا۔

الیکسا ایمازون انڈیا کے لیڈر پنیش کمار نے کہا کہ امیتابھ بچن کی آواز بولی وڈ کے ساتھ بڑے ہونے والے ہر بھارتی شہری کے لیے یادگار ہے-

انہوں نے کہا کہ اس سے ہمارے صارفین کی زندگی مزید آسان ہوگی ہم یہ دیکھنے کے لیے پرجوش ہیں کہ صارفین کا کیا ردعمل ہوگا جب وہ الیکسا استعمال کریں گے اور امیتابھ بچن کی آواز سنیں گے۔

خیال رہے کہ امیتابھ بچن نے 2010 میں ووکل بلاگنگ کا آغاز بچن بول بچن اسپیک سے کیا تھا جس کے ذریعے ان کے مداح صرف ایک بٹن دبا کر ان کے پہلے سے ریکارڈ کیے گئے پیغامات سن سکتے تھے۔

نیٹ فلیکس کی فلم ’بیڈ بوائے بلین ایئرز‘ پربھارتی عدالت نے پابندی لگادی

جواب چھوڑیں

آپ کا ای میل ایڈریس شائع نہیں کیا جائے گا.