امریکی سفیر سے پی ٹی آئی رہنماؤں عمر ایوب، بیرسٹر گوہر کی ملاقات

امریکی سفیر ڈونلڈ بلوم کی قومی اسمبلی میں اپوزیشن لیڈر عمر ایوب خان سے ملاقات ہوئی ہے

امریکی سفیر سے ملاقات میں تحریک انصاف کے چیئرمین بیرسٹر گوہر علی خان، سابق سپیکر قومی اسمبلی اسد قیصر، رؤف حسن بھی شامل تھے،ملاقات پارلیمنٹ ہاؤس میں اپوزیشن لیڈر عمر ایوب کے چیمبر میں ہوئی،ملاقات میں باہمی دلچسپی کے امور پر تبادلہ خیال کیا گیا،

ملاقات کے بعد عمر ایوب کا کہنا تھا کہ دفتر خارجہ نے ہم سے رابطہ کیا تھا،امریکی سفیر ملنا چاہتے ہیں،ہم نے انہیں کہا ضرور ملیں گے،خفیہ نہیں بلکہ پراپر چینل کے زریعے ملیں گے ،امریکی سفیر سے ملاقات اچھی رہی,پبلک اکاونٹس کمیٹی کا فیصلہ سیاسی کمیٹی کو خان صاحب نے سپرد کیا تھا،فائنل فیصلہ بانی چیئرمین ہی کرینگے ،وزارت خارجہ کے کہنے پر امریکی سفیر سے ملاقات کی،ملاقات میں ملٹری بیسز کے حوالے سے کوئی بات نہیں کوئی،امریکی سفیر اور پولیٹیکل آفیسر ملاقات میں موجود تھے۔لندن پلان کے تحت بانی پی ٹی آئی کو ہٹایا گیا، امریکی سفیر یا کسی غیر ملکی کے سامنے اپنے تحفظات نہیں رکھیں گے۔بانی پی ٹی آئی سے ملاقات میں انہوں نے اپنے با ہمت کارکنان کو پیغام دیا تھا، کارکنان کی ہمت اور حوصلے کی تعریف کی اور کہا کہ ایسے ہی ڈٹے رہیں،آج کے اجلاس میں الیکشن کے حوالے سے بات ہوئی ، اجلاس میں نو مئی کے حوالے سے بھی غور کیا گیا، اجلاس میں نو مئی کو ہونے والے احتجاج کے حوالے سے حکمت عملی تیار کی گئی،دھرنے کی کال صرف بانی چیئرمین ہی دے سکتے ہیں، جب تک لیٹر کی صورت میں ہمیں دھرنے کی کال نہیں آئے ہم نے دھرنا نہیں کرنا، شعیب شائین کو تنظیم سازی کا کام سوپنا گیا ہے، بانی پی ٹی کی سب سے زیادہ فوکس تنظیم سازی کے اوپر ہے،مشکل دن آرہے ہیں، ہم نے منظم رہنا ہے، ہم پر گولیاں برسائی، لاٹھی چارج کیا گیا ہم نہیں ٹوٹے، ہمارے چادر چاردیواری کا تقدس پامال ہوا ہم نہیں ٹوٹے،ہمارے خلاف فارم 47 کے ذریعے لوگ لائے گئے ہم نہیں ٹوٹے، اب ہمارا دشمن ہمیں آپس میں لڑوا رہا ہے،

پی ٹی آئی رہنماؤں سے امریکی سفیر کی ملاقات کا سفارتخانے کی جانب سے اعلامیہ جاری
امریکی سفیر ڈونلڈ بلوم کی تحریک انصاف کے رہنماؤں سے ملاقات کے بعد امریکی سفارتخانے کی جانب سے اعلامیہ جاری کیا گیا ہے، قائم مقام امریکی مشن کے ترجمان تھامس مونٹگمری کی جانب سے اعلامیہ جاری کیا گیا ہے، امریکی سفارتخانے کی جانب سے جاری اعلامیہ میں کہا گیا ہے کہ امریکی سفیر ڈونلڈ بلوم نے آج قومی اسمبلی میں قائد حزب اختلاف عمر ایوب خان اور حزب اختلاف کے دیگر سینئر اراکین سے ملاقات کی جس میں دو طرفہ تعلقات ،اقتصادی اصلاحات، انسانی حقوق کے لئے امریکی حمایت، علاقائی سلامتی سمیت اہم مسائل پر تبادلہ خیال کیا گیا،پاکستانی عوام کے لیے مستحکم اور محفوظ مستقبل کے لیے پائیدار اقتصادی ترقی کے لیے طویل مدتی اصلاحات کی اہمیت کو اجاگر کرتے ہوئے، ڈونلڈ بلوم نے پاکستان کے لیے آئی ایم ایف کے ساتھ اس کے اصلاحاتی پروگرام پر تعمیری انداز میں شمولیت کے لیے امریکہ کی حمایت پر زور دیا۔امریکی سفیر نے دونوں ممالک کے مشترکہ مفادات کی اہمیت اور ہمارے مشترکہ اہداف کو آگے بڑھانے کے بہت سے مواقع پر روشنی ڈالی، ڈونلڈ بلوم نے پاکستان کیلئےآئی ایم ایف پروگرام پر امریکا کی حمایت کا اعادہ بھی کیا۔

امریکی سفیر سے پی ٹی آئی رہنماؤں کی ملاقات میں دونوں اطراف سے باہمی روابط کے تسلسل پر بھی اتفاق
پاکستان میں امریکہ کے سفیر ڈونلڈ بلوم کی قومی اسمبلی میں قائدِ حزبِ اختلاف اور مرکزی سیکرٹری جنرل پاکستان تحریک انصاف عمر ایوب خان سے ملاقات ہوئی، عوام کے ووٹ کے حق کے خلاف ریاستی یلغار، بنیادی سیاسی آزادیوں پر عائد اعلانیہ اور غیراعلانیہ قدغنوں اور اظہار و ابلاغ کی آزادیوں کے خلاف غیرقانونی انتظامی اقدامات پر بھی گفتگو کی گئی ،بانی چیئرمین عمران خان، ان کی اہلیہ، تحریک انصاف کے مرد و خواتین قائدین کارکنان سمیت سینکڑوں سیاسی قیدیوں کے خلاف ماورائے دستور و قانون سیاسی انتقام کے رواں سلسلے پر بھی بات چیت کی گئی،امریکی سفیر کی جانب سے پاکستان کی کثیرالجہتی ترقی میں بطور شراکت دار کردار ادا کرتے رہنے کے عزم کا اعادہ کیا گیا،ملاقات میں دونوں اطراف سے باہمی روابط کے تسلسل پر بھی اتفاق کیا گیا،

ہوشیار، آپکی جمع پونجی پر بڑا ڈاکہ تیار،الرحمان ڈیویلپرز ،اربن سٹی کی دو نمبریاں پکڑی گئیں

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

تجوری ہائٹس کا پلاٹ گورنر سندھ کی اہلیہ کے نام پر تھا،سپریم کورٹ میں انکشاف

چیف جسٹس کا نسلہ ٹاور کی زمین بیچ کر الاٹیز کو معاوضے کی ادائیگی کا حکم

امجد بخاری کی "شادی شدہ” افراد کی صف میں شمولیت

ضمنی انتخابات میں مریم نواز کا جادو کیسے چلا؟ اہم انکشافات

مریم نواز نے پولیس وردی پہنی،عثمان انور نے ساڑھی کیوں نہیں پہنی؟ مبشر لقمان کا تجزیہ